Kümüşiň sentýabrdaky fýuçersleriniň bahasy Nýu-Ýorkuň Comex biržasynda bir unsiýasy üçin 39 dollardan geçdi. Mundan öň, bu gymmatly metal şu nyrhda 2011-nji ýylyň sentýabrynda bahalanýardy.
Aşgabat wagty bilen 01:16-a çenli ýagdaýa görä, kümüşiň birža bahasy bir unsiýasy üçin 39,14 dollara ýetdi (+4,92%).
Iýul aýynyň başyndan bäri bu gymmatly metal 8,2%, ýylyň başyndan bäri bolsa, takmynan, 30% gymmatlady. Bilermenler bahalaryň ýokarlanmagyny ýylyň başyndan bäri aşa gymmatlan altyndan ünsüň sowulmagy bilen baglanyşdyrýarlar.
