11-nji iýulda Prezident Serdar Berdimuhamedow ýurdumyzyň edermen daýhanlarynyň galla tabşyrmak baradaky ýyllyk borçnamalaryny üstünlikli ýerine ýetirmegi, gallaçy kärendeçileriň gazanan ýeňişleri mynasybetli geçirilen dabara gatnaşdy.
Dabara Hökümet agzalary, welaýatlaryň häkimleri we ýurdumyzyň her welaýatyndan çagalar gatnaşdylar.
Her welaýatyň ýaş wekilleri Prezident Serdar Berdimuhamedow edermen daýhanlaryň gazanan ajaýyp üstünlikleri bilen tüýs ýürekden gutlap, goşgularyny aýtdylar.
Dabara gatnaşan çagalara Türkmenistanyň Prezidentiniň adyndan sowgatlar gowşuryldy.
Oba hojalyk toplumyna gözegçilik edýän wise-premýer T.Atahallyýew Serdar Berdimuhamedowa ýurdumyzyň ak ekin ussatlarynyň adyndan şatlykly wakanyň hormatyna ajaýyp halyny sowgat gowşurdy.
Serdar Berdimuhamedow dabara gatnaşan çagalaryň haýyşy boýunça olar bilen ýadygärlik surata düşdi.
Öň habar berşimiz ýaly, Watan harmanyna ak bugdaýyň 1 million 400 müň tonnadan gowragy tabşyryldy.
