Apple ABŞ-da “Formula-1” ýaryşlaryny ýaýlyma bermäge hukuk satyn almak barada onuň häzirki eýesi ESPN bilen gepleşikleri geçirýär. Bu barada Financial Times ýazýar.
Neşiriň maglumatlaryna görä, Apple-iň islegi Bred Pittiň gatnaşmagyndaky “F1” filminiň üstünliginden soň güýçlendi. Film 300 mln dollardan gowrak ýygnap, studiýanyň ilkinji uly blokbasteri boldy. Häzir Apple TV+ platformasynda MLB-niň (beýsbol) we MLS-iň (futbol) göni ýaýlymlary elýeterli, şonuň üçin ulag ýaryşlary platformanyň sport kontentini ösdürmekde nobatdaky ädim hökmünde gözden geçirilýär.
ESPN häzirki şertnama üçin ýylda, takmynan, 85 mln dollar töleýär. Analitikler täze şertnamanyň ýylda 120-150 mln dollar bolup biljekdigini çaklaýar.
ABŞ-da patyşalyk ýaryşlaryna isleg artýar, ortaça tomaşaçy auditoriýasy 2018-nji ýyldaky 554 000 adamdan 2025-nji ýylda 1,3 mln adama çenli artdy. Bilermenler muny Apple-iň filminiň we Netflix-iň “Drive to Survive” serialynyň meşhurlygy bilen baglanyşdyrýar.
Eger ylalaşyk gazanylsa, Apple öz platformasyna diňe bir ýaryşlardan göni ýaýlymlary däl, eýsem toparlar we ýaryşa gatnaşyjylar barada eksklýuziw wideo materiallaryny we dokumental taslamalary hem goşup biler.
