Massaçusets Tehnologiýa institutynyň (MIT) alymlary ammar robotlaryna karton gutularyň, plastmassa gaplaryň içinde ýa-da ýuka diwarlaryň aňyrsyndaky predmetleri ýokary takyklykda kesgitlemäge mümkinçilik berýän mmNorm tehnologiýasyny döretdiler.
Ulgam obýektleriň 3D rekonstruksiýasyny döretmek üçin millimetr tolkunlaryny ulanýar we elektrik burawlary ýa-da aşhana enjamlary ýaly çylşyrymly görnüşdäki zatlary hem 96% takyklykda kesgitleýär.
MmNorm usuly maglumatlary ýygnaýar hem-de obýektiň şekilini we ýüzüniň bitewiligini seljerýän algoritme geçirýär. Synag tehnologiýanyň bar bolan analoglardanam 40% takykdygyny görkezdi. Ulgam ruçkalar we egri kürüşgeler ýaly 60-dan gowrak çylşyrymly obýekti üstünlikli dikeltdi. Şeýle hem, ol materialyna garamazdan, bir gutudaky birnäçe elementi tapawutlandyryp bilýär.
Tehnologiýa ammar logistikasynda ulanylyp bilner. MmmNormly robotlar diňe bir gutulary açmazdan olaryň içini kesgitlemek bilen çäklenmän, eýsem, dogry tutmak üçin çekijiň tutawajyny hem tanap biler. Şeýle hem, ulgam ammaryň işgärlerine gutularyň içini görmäge mümkinçilik berýän AR garnituralary bilen hem birleşdirilip bilner, bu harytlary barlamagy çaltlaşdyrar.
