Londonda Günbatar Ýewropanyň iň beýik binasy bolan Shard diňiniň depesinde Supermeniň hakyky heýkeli goýuldy. Beýikligi 3,3 metr we agramy 120 kg bolan heýkel Jeýms Gannyň täze filmini mahabatlandyrmak üçin aýna plastikden we eko-şepbikden döredildi.
Heýkel diňiň depesinde bary-ýogy bir gün durdy.
Heýkeli döretmek üçin dört aý we 2000 sagat sarp edildi. Filmde Dewid Korenswet tarapyndan ýerine ýetirilýän Supermeniň daşky keşbi 3D skanirlemäniň kömegi bilen döredildi.
Heýkel gahrymany şäher goragçysynyň keşbinde şekillendirýär. Londonyň ýaşaýjylaryna “ýokaryk seretmek” teklip edildi – bu täze filmden alnan şygardyr. Aýdyň howada heýkeli 60 km çenli uzaklykdan görmek bolýar.
“Supermen” filmi täzelenen DC kinematografiýa äleminiň ilkinji kartinasy bolar. Onda gahryman howply zalymlar bilen ýüzbe-ýüz bolup, öz ejiz tarapyny görkezer. Ilkinji gezek ekranda Supermeniň kömekçisi, super-it Kripto peýda bolar.
