Merhum Pol Uokeriň gahrymany “Forsaž” film sagasynyň soňky bölüminde ýene peýda bolar. Muny Win Dizel Los-Anjelesdäki festiwalda mälim etdi.
Onuň sözlerine görä, Braýan O'Konneriň keşbi ilkinji görkezilişi 2027-nji ýylyň aprelinde çykmagy meýilleşdirilýän jemleýji filmde gaýdyp geler. Kinorežissýorlar wizual effektleri, arhiw suratlaryny ulanarlar, şeýle hem aktýoryň doganlary Kaleb bilen Kodi Uolkeriň kömeginden peýdalanarlar diýlip çaklanylýar. Dipfeýk tehnologiýasynyň ulanmagy hem mümkindir.
Öňki bölümleriň birinde eýýäm Kodi Uolkeriň gatnaşmagynda döredilen gahrymanyň sanly görnüşi bardy.
Dizel soňky bölümiň ilkinji filmiň atmosferasyna gaýdyp geljekdigini belläp geçdi: tomaşaçylar köçe ýaryşlaryna, gijeki Los-Anjelese we sazlanan awtoulaglara garaşyp bilerler.
Ozal režissýor Lui Leterýe ilkinji görkezilişiň 2026-njy ýylda - asyl “Forsažyň” çykmagynyň 25 ýyllygyna meýilleşdirilendigini habar beripdi.
“Forsaž-10” 340 million dollarlyk býujet bilen dünýäde 522 million dollardan gowrak girdeji gazandy, ýöne kassa ýygymy boýunça ýedinji we sekizinji bölümlerinden yza galdy. Şol bir wagtyň özünde, diňe “Doganlar Super Mario kinoda” filminden yza galyp, 2023-nji ýylyň filmleriniň arasynda deslapky kassa ýygymlary boýunça ikinji ýeri eýeledi.
