Süýji keseline we semizlige garşy ýokary täsirli dermanlaryň täze synpy - “madda-15” döredildi

  • 26.06.2025 14:27
  • 6.1k+

Awstraliýanyň we Ýewropanyň molekulýar biologlary süýji keseline we semizlige garşy, ganda glýukozanyň derejesini peseldýän we iýmit siňdiriş bilen bagly meseleleri ýa-da etiňi ýitirmek ýaly zyýanly täsirleri bolmazdan agramy azaldýan dermanlar toparyny döretdiler. Bu barada Şwesiýanyň Karolinskiý institutynyň metbugat gullugyna salgylanýan TASS ýazýar.

"Biziň döreden derman serişdämiz süýji keseliniň dermanlarynyň düýbünden täze bir toparyna degişlidir we semizligi hem-de insuline garşylygy bejermek üçin uly mümkinçiliklere eýedir. Ol howpsuz ýagdaýda agramy azaltmaga mümkinçilik berýär we hemişelik ýa-da döwürleýin sanjymlary almagy talap etmeýär" - diýip Karolinskiý institutynyň dosenti Şeýn Raýt mälim etdi.

Ozal aşgazan asty mäzde insuliniň işlenip çykyşyny kadalaşdyrýan we adamlaryň beýnisinde dokluk duýgusynyň peýda bolmagyna jogap berýän GLP-1 reseptorlaryna täsir edýän semaglutid we liraglutid ýaly dermanlar işlenip düzülipdi. Emma olar iýmit siňdiriş bilen bagly kynçylyklary we myşsa massasynyň ýitmegi ýaly zyýanly täsirleri döredip biler.
Barlagçylar bu dermanlara alternatiwany – gurluşy boýunça damar giňeldiji bametan dermanyna meňzeş molekulany tapdylar. Ol süňk myşsalaryndaky beta-adrenoreseptorlara täsir edýär we insuliniň derejesine garamazdan, ýürege täsir etmezden, glýukozanyň ýanmagyny ýokarlandyrýar.
Syçanlarda, soňra meýletinçilerde geçirilen synaglar şertli "madda-15" adyny alan täze dermanyň liraglutidiň täsirinden pes däldigini, ýöne myşsalaryň ýitmegine we iýmit siňdiriş bilen bagly bozulmalara sebäp bolmaýandygyny görkezdi. Alymlar bu dermanyň bar bolan dermanlara ygtybarly we amatly alternatiwa öwrülmegine garaşýarlar.


28.08.2025 06:44
6.5k+

Hytaýda ilkinji gezek adama doňzuň öýkeni oturdyldy

Hytaýda alymlar topary ilkinji gezek genetiki taýdan üýtgedilen doňuzdan alnan öýkeni ölüm halyndaky hassa oturtdy. Organ şol bada bitişmezlik ýagdaýyny görkezmedi. Bu hem ylmy gözlegçileriň pikiriçe, haýwan organlaryny ksenotransplantasiýa üçin ulanyp boljakdygyny tassyklaýar diýip, Nature Medicine habar berýär...

22.08.2025 15:19
5.2k+

Dişleriň sagdyn bolmagy üçin: Russiýada düzüminde probiotikler bolan sakgyç döredildi

Seçenow uniwersitetiniň hünärmenleri probiotiklerden we prebiotiklerden düzülen çeýnelýän sakgyç döretdiler. Uniwersitetiň metbugat gullugynyň habaryna görä, täze önüme «Reteriks» diýlip at berildi. Onuň maksady – kariýesiň, gingiwitiň we beýleki stomatologik keselleriň töwekgelçiligini azaltmakdyr...

22.08.2025 08:21
4.7k+

Russiýaly alymlar pnewmoniýany we meningiti oýaryjyny dargadýan wirusy tapdylar

Sibir Ylymlar akademiýasynyň (SO RAN) Himiýa-biologiýa we fundamental lukmançylyk institutynyň hünärmenleri pnewmoniýa, meningit, sepsis döredýän we köplenç hassahanalarda giňden duş gelýän howply bakteriýany ýok edip bilýän täze wirus-bakteriofagy açdylar diýip, «Nauka v Sibiri» neşiri habar berýär...

18.08.2025 10:02
2.2k+

ABŞ-da düzgünleşdiriji dowamly öýken keselini bejermek üçin ilkinji derman serişdesini tassyklady

ABŞ-nyň Azyk önümleriniň hiline we derman serişdelerine gözegilik müdirligi (FDA) Insmed kompaniýasynyň mukowissidozsyz bronhoektazlary bejermek üçin niýetlenen Brinsupri dermanyny tassyklady. Bu dowamly öýken keseli dem alyş ýollarynyň öwezini dolup bolmajak zeperlenmesi, dowamly üsgülewük we nemiň  artykmaç bölünip çykmagy bilen utgaşýar diýip, Reuters ýazýar...