Türkmenistan ynsanperwer geçelgeler arkaly Eýranyň çäginden çykýan daşary ýurtly raýatlaryň bökdençsiz üstaşyr ugradylmagy üçin ýardam bermegini dowam edýär.
Türkmenistanyň DIM-niň habar bermegine görä, bu günki güne çenli 52 döwlet Ýakyn Gündogarda ýagdaýyň çylşyrymlaşmagy bilen baglylykda, öz raýatlaryny yzyna gaýtaryp getirmek boýunça kömek sorap Türkmenistana ýüz tutdy.
Ýüz tutmalaryň ählisi Türkmenistanda ygtyýarlandyrylan daşary ýurtlaryň diplomatik wekilhanalary bilen ysnyşykly gatnaşyk etmek arkaly dessin tertipde seljerilýär.
