Russiýada ýadawlygy gözüňden aňyp bilýän neýroulgam işlenip düzüldi

  • 23.06.2025 12:36
  • 2.8k+

Russiýanyň Ylymlar akademiýasynyň Sankt-Peterburg federal barlag merkeziniň (SPb FIS RAN) we Sankt-Peterburg döwlet uniwersitetiniň alymlary neýroulgama gözüň hereketlerinden adamyň ýadawlygyny tanamagy öwretdiler.

TASS-yň habar bermegine görä, ulgam ulaglary, agyr tehnikany, senagat we möhüm infrastruktura desgalaryny dolandyryjylaryň ýagdaýyna gözegçilik etmekde ulanylyp bilner.

"Biz neýroulgama adamyň gözüniň hereketlerine görä, ulagy we beýleki tehnikalary dolandyryjynyň ýagdaýyny – ýadawdygyny ýa-da däldigini kesgitlemegi öwretdik. Neýroulgama öwretmek üçin maglumatlar adamyň nazarynyň gönügen ugruny yzarlaýjy gurluş bolan aýtreker arkaly ýygnaldy. Geljekde biziň çözgüdimiz dürli tehnikalaryň we möhüm infrastrukturanyň operatorlarynyň hereketlerine gözegçilik edýän ulgamlara birikdiriler" - diýip, Russiýanyň Ylymlar akademiýasynyň Sankt-Peterburg federal barlag merkeziniň metbugat gullugynda Toplumlaýyn awtomatlaşdyryş ulgamlarynyň barlaghanasynyň uly ylmy işgäri Alekseý Kaşewnikiň sözlerini getirdiler.

Neýroulgamyň ýadawlyk we gujurlylyk ýagdaýlaryna mahsus bolan göz hereketi strategiýalary boýunça tälim alandygy bellendi. Şu maksat bilen kompýuteriň başynda işleýän operatorlaryň okaýan, ýazýan, gününiň dowamynda edýän işleýän işleri wagtyndaky göz hereketleri bilen bagly maglumatlary öz içine alýan maglumat  binýady döredildi. Görkezijiler kellä dakylan aýtrekeriň kömegi bilen ýazga alyndy.
Işlenip düzülen açyk kodly kitaphana ulanyjylar we döredijiler üçin elýeterlidir.
Barlag Innowasiýalary goldamak gaznasynyň goldawy bilen geçirildi.


26.08.2025 13:37
8.7k+

Müsürde suwdan gadymy Kanopus şäheriniň bölekleri çykaryldy

Müsür häkimiýetleri Aleksandriýanyň golaýynda Abu-Kir aýlagynda ýerleşen suwa giden gadymy şäheriň böleklerini gury ýere çykardy diýip, The Guardian habar berýär. Bu Müsüri tas 300 ýyl dolandyran Ptolemeý nesilşalygynyň dolandyran we 600 ýyl töweregi ýurdy dolandyran Rim imperiýasynyň döwründe möhüm merkeze öwrülen Kanopus şäheri hasaplanýar...

26.08.2025 13:26
4.6k+

Paleontologlar dinozawrlaryň ýelken şekilli arkasy bolan täze görnüşini açdy

Paleontologlar dinozawrlaryň ýelken şekilli arkasy bolan täze görnüşini açdy. Istiorachis macarthurae adyny alan bu jandarlar 120 mln ýyldan gowrak ozal Angliýanyň günorta kenaryndan uzak bolmadyk ýerde ýaşapdyr diýip, Londondaky Tebigy taryh muzeýine salgylanyp, CNN habar berýär...

25.08.2025 13:04
3k+

Awstraliýada adam derisine has ýakyn deri nusgalary ösdürilip ýetişdirildi

Kwinslend uniwersitetiniň ýanyndaky Freýzer institutynyň barlaghanasyndan awstraliýaly alymlar ilkinji gezek doly derejede adam derisiniň gurluşyny gaýtalaýan deri nusgalaryny ösdürip ýetişdirdi. Bu barada ABC ýaýlym korporasiýasy habar berdi...

23.08.2025 12:32
5.5k+

Alymlar žiraflary dört görnüşe böldi

Halkara tebigaty goramak birleşigi (IUCN) žiraflary resmi taýdan dört görnüşe böldi. Ozal olaryň hemmesi bir görnüş diýlip hasaplanýardy diýip, Bi-bi-si belleýär. Indi ylym şu aşakdakylary tapawutlandyrýar: Demirgazyk...