Hytaýyň kino gaznasy we onuň hyzmatdaşlary emeli aň tehnologiýasy arkaly söweş sungaty baradaky 100 nusgawy filmi dikeltmek boýunça giň gerimli işe başladylar. Bu barada 27-nji Şanhaý halkara film festiwalynda yglan edildi diýip, Variety ýazýar.
Neýroulgamlar asylky beýan edilişini we estetikasyny saklap galmak bilen, filmleriň şekillendirilişini, sesini we umumy hilini ýokarlandyrar. Maksat Hytaýyň söweş sungaty baradaky filminiň medeni we kinematografiki mirasyny gorap saklamakdyr.
"Brýus Li-den başlap Jeki Çana çenli, “Ogryn seredýän gaplaň, busup ýatan aždarhadan” “Möjek söweşlerine” çenli bu filmler hytaý halkynyň durmuşy güýjüni we ruhuny dünýä görkezdi" – diýip, China Film Foundation-nyň başlygy Çžan Silin mälim etdi. Onuň sözlerine görä, bu filmler Hytaýyň kinematografiki tanatgyç kartlarydyr.
Dikeldiljek filmleriň arasynda “Gahardan düwlen ýumruk” (“Кулак ярости”), “Uly başlyk” (“Большой босс”), “Bir gezek Hytaýda” (“Однажды в Китае”) we “Serhoş ussat” (“Пьяный мастер”) filmleri bar. Canxing Media guramasynyň başlygy Týan Min birinji tapgyrda 10 filmiň ileri tutuljakdygyny habar berdi. Olaryň dikeldilmegi üçin 100 million ýuanyň (takmynan, 13,9 million dollar) bölnüp berlendigini aýtdy.
"Gysga metražly filmlerde we mikrodramalarda neýroulgamlary ulanmak eýýäm adata öwrüldi" - diýip, prodýuser nygtady .
