Amerikaly paleontologlar Kanadanyň Nunawut welaýatynyň Dewon adasynda Giçki Dewon formasiýasynda Onychodontiformes toparyndan bolan gadymy ýyrtyjy balyklaryň täze görnüşiniň tapylandygyny habar berdiler. Galyndylaryň ýaşy, takmynan, 380 million ýyllyk.
Dişleriň we eňekleriň nusgalarynyň 2011-nji ýylyň iýul aýynda, takmynan, 382–372 million ýyllyk ýaşy bolan gumdaşdan ýygnalandygy bellendi. Tapyndylaryň derňewi Journal of Vertebrate Paleontology žurnalynda çap edildi.
Täze görnüşe Onychodus mikijuk diýip at berildi. Adyň ikinji bölegi Kanada inuitleriniň inuktitut dilinde “kiçijik” diýmegi aňladýar. Balygyň uzynlygy takmynan 23,5 santimetr bolup, birnäçe metre ýetýän beýleki belli garyndaşlaryndan ep-esli kiçidir. Mysal üçin, 2017-nji ýylda Kanadadan tapylan O. eriensis diýilýän başga bir görnüşiň äňi mikijukyň öz uzynlygyndanam uzyn bolup, 28 santimetrdir.
Galyndylar Dewon adasyndaky derýanyň golaýyndan tapyldy.
