Qatar Airways - dünýäniň iň gowy awiakompaniýasy. Singapore Airlines-iň bolsa iň gowy ekipažy bar

  • 18.06.2025 14:09
  • 8.2k+

Qatar Airways World Airline Awards-yň wersiýasy boýunça dünýäniň iň gowy awiakompaniýalarynyň sanawynda dokuzynjy gezek öňdeligi eýeledi. Baýrak gowşurylyş dabarasy Halkara awiakosmos sergisiniň çäginde Parižde geçirildi. Ýyllyk sanaw 1999-njy ýyldan bäri Britaniýanyň Skytrax konsalting kompaniýasy tarapyndan neşir edilýär.

Singapore Airlines şu ýyl ikinji ornuny saklady. Şeýle hem iň gowularyň onlugyna  Cathay Pacific, Emirates, ANA All Nippon Airways, Turkish Airlines, Korean Air, Air France, Japan Airlines we Hainan Airlines girýär.
Skytrax-iň sanawy ýolagçylaryň synlaryna esaslanýar. Iň soňky pikirsoraşmanyň çäklerinde dürli ýurtlardan bolan, takmynan, 22,3 million adam 325-den gowrak awiakompaniýanyň hyzmatlarynyň hili barada öz pikirini aýtdy.
Şeýle hem, Singapore Airlines-iň ekipažy iň oňat ekipaž diýip yglan edildi. Turkish Airlines “Ýewropanyň iň gowy awiakompaniýasy”, EVA Air bolsa “Iň arassa awiakompaniýa” diýlip saýlandy.


düýn 17:46
5.3k+

Bvlgari 2030-njy ýyla çenli Abu-Dabide täze kaşaň dynç-alyş toplumyny gurar

Bvlgari Hotels & Resorts Birleşen Arap Emirlikleriniň paýtagty Abu-Dabide täze dynç alyş toplumyny we ýaşaýyş jaýlaryny gurmak barada ylalaşyk baglaşdy. Toplumyň açylyşy 2030-njy ýyla meýilleşdirilýär. Bvlgari Resort & Mansions Abu Dhabi hususy adada ýerleşer...

23.08.2025 18:31
7.7k+

Tailand 200 müň syýahatça mugt awiabiletleri paýlamagy meýilleşdirýär

Tailandyň Syýahatçylyk we sport ministrligi daşary ýurtly syýahatçylar üçin mugt içerki uçuş maksatnamasyny teklip etdi. Bu başlangyjy durmuşa geçirmek üçin 700 mln bat bölüp bermek meýilleşdirilýär diýip, The Economic Times neşiri ýazýar...

22.08.2025 19:06
12k+

Döwlet departamenti ABŞ-nyň wizasy bolan 55 mln adamy düzgün bozma barlagyndan geçirer

21-nji awgustda ABŞ-nyň Döwlet departamenti amerikan wizalary bolan 55 milliondan gowrak daşary ýurtlynyň migrasiýa kanunyň düzgünlerini bozup bilendigini ýa-da ýokdugyny barlar. Bu barada Associated Press agentligi habar berýär...

22.08.2025 19:04
14k+

Türkiýe türkmen raýatlary üçin talyp wizasyny almaga ýüz tutmak tertibine üýtgetmeleri girizdi

Türkiýe Türkmenistanyň raýatlary üçin talyp wizasy bilen baglanyşykly ýüz tutmak tertibine üýtgetmeleri girizdi. Bu barada Türkiýäniň Aşgabatdaky Gateway wizalar merkezi mälim etdi. Üýtgetmler 2025-nji ýylyň 20-nji awgustyndan güýje girýär...