Maks Plank Jemgyýetiniň Haýwanlaryň özüni alyp barşy institutynyň we Konstans uniwersitetiniň alymlary ýabany tebigatda ilkinji gezek nematodlaryň adaty bolmadyk hereketini hasaba aldylar. Bu gurçuklar wertikal “janly diňler” görnüşinde düzülip, golaýyndan geçýän mör-möjekleriň bedeninde “ýapyşyp” ondan-oňa geçýärler.
Ozal beýle hereket diňe nazary taýdan beýan edilipdi. Bu açyş birnäçe aýlap almalaryň we armytlaryň çüýräp başlan bagynda alnyp barlan gözegçilik wagtynda edildi. Aýgytly pursady kömekçi Raýan Grinueý tutdy: wideoda gurçuklaryň sütün emele getirýändigi görünýär.
"Muny hut ýakyndan janly görnüşde ilkinji gezek görenimde haýran galdym. Ondan öň beýle diňler diňe biziň kellämizde bardy" - diýip, barlagyň ýolbaşçysy Sirena Din gürrüň berdi.
Diňleri nematodlaryň diňe bir belli görnüşi gurýardy.
"Nematodlaryň guran diňi ýöne bir gurçuk üýşmegi bolman, ol sazlaşykly hereket edýän beden ýalydy" - diýip, barlagyň şärikdeş awtory Daniela Peres düşündirdi.
