“Forbes” amerikan žurnaly dünýäniň iň baý zenanlarynyň ýyllyk reýtingini hödürledi. Reýtingde birinji orny telekeçi Diana Hendriks – ABC Supply gurluşyk kompaniýasynyň eýesi eýeledi. Onuň baýlygy 22,3 mlrd dollar diýlip hasaplanýar.
78 ýaşly Hendriks birinji orny birnäçe ýyl bäri saklaýar we amerikan işewürliginiň taryhynda iň üstünlikli zenanlaryň biri hasaplanýar. Ol öz adamsy Ken Hendriksi ýogalandan soň, ABC Supply kompaniýasynyň başyna geçdi – olar bu kompaniýany bilelikde 1982-nji ýylda esaslandyrypdy.
Ikinji orny saglygy goraýyş ulgamy üçin programma üpjünçiligini işläp düzýän Epic Systems kompaniýasynyň esaslandyryjysy we baş direktory 81 ýaşly Judi Folkner eýeledi. Onuň baýlygy 7,8 mlrd dollara barabar. Üçlügi 6,9 mlrd dollar kapital bilen Little Caesars Pizza restoranlar ulgamynyň 92 ýaşly eýesi Mirian Iliç jemleýär.
Ilkinji ýigrimilige şou-biznes ýyldyzlary hem girdi – telealypbaryjy Opra Uinfri (3,1 mlrd dollar), telekeçi we model Kim Kardaşýan (1,7 mlrd dollar). Aýdymçy Teýlor Swift 1,6 mlrd dollar baýlygy bilen 21-nji orny eýeleýär.
