Prezident Serdar Berdimuhamedow Li Çže Mýona Koreýa Respublikasynyň Prezident saýlawlarynda ýeňiş gazanmagy mynasybetli tüýs ýürekden gutlaglaryny iberdi.
Döwlet Baştutany gutlag hatynda Koreýa Respublikasy bilen ýola goýlan netijeli gatnaşyklara ýokary baha berip, özara bähbitli hyzmatdaşlygy mundan beýläk-de ösdürmek boýunça bilelikde tagalla etmäge taýýardygyny tassyklady.
Serdar Berdimuhamedow pursatdan peýdalanyp, jenap Li Çže Mýona berk jan saglyk, bagtyýarlyk we jogapkärli döwlet işinde täze üstünlikleri, Koreýanyň halkyna bolsa parahatçylyk, rowaçlyk we gülläp ösüş arzuw etdi.
Oppozision Demokratik partiýadan Li Çže Mýon Günorta Koreýanyň Prezidentiniň saýlawlarynda ýeňiş gazandy. Ol 49%-den gowrak ses aldy. Koreýa Respublikasynda saýlawlar öňki Prezident Ýun Suk Ýol wezipeden aýrylandan soň möhletinden ir geçirildi.
Li 2022-nji ýylda hem prezidentlige dalaş edipdi, ýöne 1%-den tapawut bilen Ýun Suk Ýoldan ýeňildi.
