Ýaponiýaly gözlegçiler maglumat ibermekde täze dünýä rekordyny goýdy – sekuntda 1,02 petabit. Muny häzirki internet ulgamlaryndaky ýaly bary-ýogy 0,125 mm ýogynlykdaky optiki-süýümli kabeliň kömegi bilen gazanmak başartdy. Ýöne tejribede ýörite köp süýümli kabel ulanyldy.
Kabeliň içinde 19 aýratyn süýüm bardy, olaryň üsti bilen signal 1808 km umumy aralyga ýetmek üçin 21 gezek iberildi. Signallary kabul etmek üçin 19 kanally kabul ediji ulanyldy, şondan soň maglumatlar ahyrky iberiş tizligini hasaplaýan sanly prosessor tarapyndan işlenildi.
Gazanylan tizlik – sekuntda 1,02 petabit – adaty ölçegli süýümi ulanmak bilen 1800 km-den gowrak aralyga maglumat ibermekde rekord boldy. Şeýle-de, alymlar “tizlik x aralyk” gatnaşygy boýunça rekord goýdy – ol her kilometr üçin 1,86 eksabit-sekunt boldy. Bu optika aragatnaşygy pudagynda möhüm görkezijidir.
Öň şeýle tizlige diňe gysga aralykda ýetmek başardýardy. Mysal üçin, şol bir 19 ýadroly süýüm bilen geçirilen öňki tejribede sekuntda 1,7 petabit tizlige ýetildi, ýöne aralyk 63,5 km-di. Häzir ilkinji gezek ýokary tizligi uzak aralyk bilen birleşdirmek mümkin boldy.
Alymlar geljekde (5G-den soňky döwürde) internet-trafigiň göwrüminiň täze aragatnaşyk hyzmatlary sebäpli tiz ösjekdigini belleýär.
