Ýaponiýaly fizikler kwant mikroskopunyň esasy hökmünde ýeke-täk rubidiý atomyny ulanýan täze wizualizasiýa usulyny işläp düzdüler. Ýaponiýanyň Döwlet tebigy ylymlar institutynyň habar bermegine görä, «atom kamerasy» diýlip atlandyrylan bu enjam adaty optiki guralardan has ýokary piksel durnuklylygyndaky şekilleri almaga mümkinçilik berýär.
Tehnoligiýa absolýut nula (iň aňrybaş sowuklyga) golaý temperatura çenli sowudylan we lazerler tarapyndan emele getirilen optiki duzagyň içinde saklanýan ýeke-täk aşgarly metal atomyna esaslanýar. Bu ýeke-täk atom kwant kompýuterleriniň we nanooptik enjamlaryň golaýynda ýerleşip bilýär we olaryň işine hiç hili zyýanly täsir ýetirmeýär.
Öwrenilýän obýektden gelýän ýagtylyk bilen özara täsirleşen wagty, şol atomynyň ýerleşýän ýeri we energetiki ýagdaýy üýtgeýär. Bu bolsa fotonlaryň häsiýetnamalaryny, şol sanda olaryň güýjüni we polýarizasiýasyny ölçemäge şert döredýär.
Geçirilen bäsleşikli synaglaryň dowamynda alymlar lazer şöhlesiniň ýagtylygynyň üýtgemegine takmynan 100 nanometr giňişlik anyklygy bilen gözegçilik etmegi başardylar. Bu bolsa adaty optik mikroskopuň mümkinçiliklerinden has ýokary görkezijidir.
Gözlegçileriň pikiriçe, geljekde bu täze açyş has kämil kwant kompýuterlerini, döwrebap aragatnaşyk ulgamlaryny, duýujy sensorlary we nanooptika maksatly ylmy-gözleg gurallaryny döretmekde uly goldaw bolar.
