Russiýada glaukomany hirurgiki bejermek üçin dünýäde ilkinji mikrostent döredildi. Bu barada Russiýanyň Ylymlar akademiýasynyň (RYA) prezidenti Gennadiý Krasnikow 28-30-njy maý aralygynda Moskwada geçirilýän RYA-nyň umumy ýygnagynda mälim etdi.
TASS-yň habar bermegine görä, işläp taýýarlama M. M. Krasnow adyndaky Göz keselleri ylmy-barlag institutynyň hünärmenleri tarapyndan amala aşyryldy.
Krasnikowyň sözlerine görä, enjam şekilli ýady bolan materialdan ýasaldy we diňe Russiýanyň özünde 1,5 million töweregi adamyň ejir çekýän, beterleşýän bejerip bolmaýan kesel bolan glaukomany operasiýa etmek üçin niýetlenendir.
Glaukoma nerw süýümleriniň weýran bolmagyna sebäp bolýar we gözüň içindäki gan basyşy ýokarlandyrýar. Täze mikrostent göz dokumasyna ornaşdyrylýar, şondan soň ol gysylan ýagdaýdan ýazylýar we gözüň içindäki suwuklygyň akymyny goldaýar. Bu gan basyşynyň ýokarlanmagynyň öňüni almaga kömek edýär diýip, Krasnow takyk düşündirdi.
