«Tesla» kompaniýasynyň ýolbaşçysy Ilon Mask özüniň baş direktorlyk wezipesinden çekilmegi meýilleşdirmeýändigini mälim etdi. Ol täze baş direktoryň diňe onuň aradan çykmagy bilen gelip biljekdigini aýtdy diýip, «Carscoops» habar berýär.
Katarda geçirilen ykdysady forumda milliarder Mask özüniň azyndan ýene bäş ýyl «Tesla» ýolbaşçylyk etmegi meýilleşdirýändigini aýtdy. Häzirki wagtda onuň kompaniýadaky paýy 12,77% bolup, onuň bahasy, takmynan, 140 milliard dollara barabar diýlip çaklanylýar. Mask paýyny 25%-e çenli artdyrmagy meýilleşdirýär. Onuň pikirine görä, bu ýagdaý maýadarlaryň ony wezipesinden aýyrmak synanyşyklaryna garşy gorar. Ol paýy az bolanda, onuň ýolbaşçylykdaky ornunyň durnukly däldigini belläp geçdi.
Şol bir wagtyň özünde, käbir paýdarlar Maskyň kararlaryna we özüni alyp barşyna nägilelik bildirýärler. Sebäbi olaryň pikiriçe, bu ýagdaý kompaniýa ýaramaz täsir edýär. Mundan ozal metbugatda «Tesla-nyň» direktorlar geňeşiniň Maskyň ornuna geçjek täze ýolbaşçyny gözläp başlandygy barada maglumatlar peýda bolupdy. Emma soň bu maglumatlar ret edilipdi.
