Fizik Braýan Koks ylmy leksiýasynyň tomaşaçylarynyň sany boýunça rekord goýdy

  • 18.05.2025 16:46
  • 3.8k+

Britaniýanyň ýadro fizigi, teleýaýlymyň alypbaryjysy, ylmy ýaýradyjy we professor Braýan Koks özüniň ylmy leksiýalaryna satylan petekleriň sany boýunça rekord goýdy. Onuň “Gözýetimler: XXI asyryň kosmos odisseýasy” (“Horizons: A 21st Century Space Odyssey”) atly dünýä aýlanan leksiýalaryna 2022-nji ýylyň awgustyndan 2025-nji ýylyň maý aýyna çenli 369 297 adam gatnaşdy.

Bu rekord Ginnesiň rekordlar kitabynyň hünärmenleri tarapyndan hasaba alyndy.

"Onuň işi ylmy has elýeterli we gyzykly etmek bilen çäklenmän, eýsem bütin dünýäniň tomaşaçylarynyň gyzyklanmasyny hem özüne çekdi" diýip, Ginnesiň rekordlar kitabynyň baş redaktory Kreýg Glendeý belledi.

Koks ilkinji gezek şuňa meňzeş rekordy 2016-njy ýylda goýupdy. 2017-nji ýylda Beýik Britaniýada okan leksiýalary diňleýjileriň köpüsini özüne çekdi. Üçünji rekord 2022-nji ýylda gazanyldy. Häzir Koks ýene dünýäde iň köp gatnaşyjyly ylmy leksiýanyň awtory hökmünde ykrar edildi.

"Şeýle köp adamyň Älemdäki ornumyz hakda tutuş bir agşamy oýlanyp geçirmek isleýändigi gowy zat. Syýahatymy guramaga gatnaşan ähli toparyň adyndan bu rekordy goýup bilendigimize buýsanýaryn "-diýip, Koks nygtady.

Resmi web sahypasynda maý aýyndaky çykyşlar üçin petekleriň hemmesi eýýäm satylyp gutardy. Petekleriň bahalary aýdylmaýar.
“Gözýetimler: XXI asyryň kosmos odisseýasy” leksiýasynda Koks ylmy maglumatlary filosofiki soraglar bilen utgaşdyryp, Älemiň tebigaty barada gürrüň berýär. Ol Eýnşteýniň işlerine we häzirki zaman açyşlaryna esaslanyp, ýaşaýşyň döreýşi, wagtyň we giňişligiň gurluşy temalaryny gozgaýar.


29.07.2025 14:09
5k+

Alymlar derisi ýelekpisint bolan gadymy süýrenijiniň galyndylaryny tapdylar

Fransiýada arka tarapy ýelekpisint gurluşly gadymy süýrenijileriň galyndylary tapyldy. Tapyndynyň ýaşy 247 million ýyl diýip, Ştutgartdaky (Germaniýa) Döwlet tebigat ylymlary muzeýiniň metbugat gullugy habar berdi...

29.07.2025 11:54
6.6k+

Gaýtadan işlenen çilim naýçalaryndan berk, arzan asfalt döretdiler

Granada we Bolonýa uniwersitetleriniň alymlary gaýtadan işlenen çilim naýçalaryndan ekologiýa taýdan arassa asfalt öndürmegiň tehnologiýasyny işläp düzdüler. Oýlap tapyş ScienceDirect žurnalynyň makalasynda beýan edildi...

28.07.2025 17:38
1.8k+

Geljekki Mars missiýasy üçin iň uly paraşýut stratosferada synag edildi

Thales Alenia Space-iň we Ýewropa kosmos agentliginiň (ESA) işgärleri ExoMars-yň geljekki missiýasy üçin paraşýut ulgamyny synagdan geçirdiler. Uçurylýan modulyň geliý şary bilen Polýar tegeleginden 30 km belentlige galdyrylan maketi iki paraşýutyny açandan soň ýere üstünlikli gondy...

26.07.2025 18:29
10k+

Alymlar Stounhenj daşlaryny adamlaryň daşandygyny tassykladylar

Aberistuit uniwersitetiniň ylmy gözlegçileri Stounhenji emele getirýän daşlaryň bäş müň ýyldan gowrak ozal adamlar tarapyndan daşalandygyny subut etdi. Bu barada geçirilen ylmy barlaga salgylanyp, Daily Mail habar berýär...