Türkmenistanyň DIM-nde Eýran bilen parlamentara gatnaşyklar maslahatlaşyldy

  • 17.05.2025 09:16
  • 1.3k+
Türkmenistanyň DIM-nde Eýran bilen parlamentara gatnaşyklar maslahatlaşyldy

16-njy maýda Türkmenistanyň daşary işler ministriniň orunbasary Ahmet Gurbanow bilen Aşgabada sapar bilen gelen Eýran-türkmen parlamentara dostluk toparynyň başlygy Abdoljalal Iriniň ýolbaşçylygyndaky eýran wekiliýetiniň arasynda duşuşyk geçirildi. Bu barada Türkmenistanyň DIM-nde habar berdiler.

Gepleşikleriň dowamynda taraplar parlamentara gatnaşyklary, energiýa, ulag, söwda, medeniýet we bilim ýaly ugurlar bilen bir hatarda ikitaraplaýyn hyzmatdaşlygyň derwaýys meselelerini ara alyp maslahatlaşdylar.
Söhbetdeşler parlamentara gatnaşyklarynyň möhümdigini bellediler. Bu ugurda parlamentara dostluk toparynyň üstünlikli işleýändigi nygtaldy. Şunuň bilen baglylykda, bu ugurda ýakynda geçiriljek çärelere garaldy.
Gepleşikleriň ahyrynda taraplar hoşniýetli goňşuçylyk hem-de özara hormat goýmak ýörelgelerine esaslanýan türkmen-eýran gatnaşyklarynyň mundan beýläk hem ösdürilmegi üçin uly mümkinçilikleriň bardygyny mälim etdiler.

Raşid Meredow Hindistanyň Premýer-ministri Narendra Modi bilen duşuşdy
düýn 21:30
3k+

Raşid Meredow Hindistanyň Premýer-ministri Narendra Modi bilen duşuşdy

6-njy iýunda Türkmenistanyň daşary işler ministri Raşid Meredow Merkezi Aziýa ýurtlarynyň daşary işler ministrleriniň Hindistanyň Premýer-ministri Narendra Modi bilen bilelikdäki duşuşygyna gatnaşdy. Türkmenistanyň...

Türkmenistan «Merkezi Aziýa – Hindistan» Dialogynyň dördünji mejlisine gatnaşdy
düýn 20:41
1.6k+

Türkmenistan «Merkezi Aziýa – Hindistan» Dialogynyň dördünji mejlisine gatnaşdy

6-njy iýunda Türkmenistanyň daşary işler ministri Raşid Meredow Hindistana saparynyň çäklerinde «Merkezi Aziýa – Hindistan» Dialogynyň dördünji mejlisine gatnaşdy. Türkmenistanyň DIM-niň metbugat gullugynyň habar...

Türkmenistan "Merkezi Aziýa - Hindistan" Işewürlik geňeşiniň mejlisinde çykyş etdi
düýn 20:20
1.1k+

Türkmenistan "Merkezi Aziýa - Hindistan" Işewürlik geňeşiniň mejlisinde çykyş etdi

5-nji iýunda Türkmenistanyň daşary işler ministri Raşid Meredow Nýu-Delide geçirilen «Merkezi Aziýa – Hindistan» Işewürlik geňeşiniň mejlisine gatnaşdy. Mejlisiň barşynda sebit ýurtlarynyň hem-de Hindistanyň arasynda ulag-logistika ulgamynda özara baglanyşyklylygy ösdürmek, sanly ykdysadyýet we maýa goýum hyzmatdaşlygyny giňeltmek meseleleri ara alnyp maslahatlaşyldy...

Raşid Meredow Nýu-Delide Hindistanyň daşary işler ministri bilen duşuşdy
düýn 20:07
2k+

Raşid Meredow Nýu-Delide Hindistanyň daşary işler ministri bilen duşuşdy

5-nji iýunda Nýu-Delide Türkmenistanyň daşary işler ministri Raşid Meredow hindistanly kärdeşi Subramanýam Jaýşankar bilen duşuşyk geçirdi diýip, Türkmenistanyň DIM-niň metbugat gullugy habar berdi. Duşuşygyň dowamynda taraplar hyzmatdaşlygyň häzirki ýagdaýyny we ösüşiniň geljegini ara alyp maslahatlaşdylar...