Prezident Serdar Berdimuhamedow 1941–1945-nji ýyllaryň Beýik Watançylyk uruşynda gazanylan Ýeňşiň 80 ýyllygyna bagyşlanan dabaraly çärelere gatnaşmak üçin Moskwa bardy. Bu barada Türkmenistan Halkara habarlar merkezi habar berýär.
Habarda bellenilişi ýaly, türkmen halkynyň Milli Lideriniň Russiýa sapary sowet halkynyň faşizme garşy göreşde görkezen gahrymançylygyna goýulýan çuňňur hormatyň nyşany bolmak bilen bir hatarda, Türkmenistanyň we Russiýanyň arasyndaky dostlukly gatnaşyklarynyň berkdiginiň beýanydyr.
Moskwada geçiriljek dabaraly Ýeňiş ýörişi Aşgabat wagty bilen sagat 12:00-da başlap, takmynan bir sagat dowam eder. Ozal habar berlişi ýaly, bu ýörişe Türkmenistanyň Ýaragly Güýçleriniň Hormat garawulynyň rotasy hem gatnaşar.
