Täze okuw ýylyndan başlap, BAE-niň ähli döwlet mekdeplerinde çagalar emeli aňy öwrenip başlar. Bu ugurdan sapak çagalar bagyndan 12-nji synpa çenli berler diýip, Khaleej Times neşiri habar berýär.
BAE-niň wise-prezidenti, premýer-ministri we Dubaýyň häkimi şeýh Mohammed bin Raşid Al Maktumyň aýtmagyna görä, bu çözgüt ýurduň täze nesilleri taýýarlamak boýunça uzak möhletleýin strategiýasynyň bir bölegi boldy.
“Biziň borjumyz çagalary biziň döwrümiz bilen meňzeş bolmadyk döwre taýýarlamakdan ybarat. Olara ýurdumyzyň onlarça ýyl öňe gitmegini üpjün etmek üçin täze şertler, täze başarnyklar we mümkinçilikler gerek bolar” – diýip, ol belledi.
Bilim ministri Sara bint Ýusef Al Amiri maksatnamanyň esasy temalary: maglumatlary we algortimleri, programma üpjünçiligini, etiki taraplary, EA-nyň hakyky ulanylyşyny, innowasion taslamalary, şeýle-de syýasat we sosial işjeňlik meselelerini öz içine alýandygyny aýtdy.
Mugallymlara kömek etmek üçin Bilim ministrligi sapak meýilnamalaryny we okatmagyň dürli usullaryna laýyk gelýän ýumuşlary öz içine alýan materiallary taýýarlar.
