Ilon Maskyň Tehasdaky «Starbase» kosmos bazasy resmi taýdan şäher derejesini aldy

  • 05.05.2025 16:15
  • 5.2k+

Tehasyň (ABŞ) günortasynda resmi taýdan «Starbase» atly täze şäher döredildi. 2025-nji ýylyň 3-nji maýynda geçirilen ses berişligiň netijesinde, ilatyň 97,74%-i täze dolandyryş birliginiň döredilmegini goldady. Bu barada «BBC» we «Associated Press News» habar berýär.

SpaceX kompaniýasynyň işi bilen baglanyşykly bu başlangyç ýerli ýaşaýjylar tarapyndan biragyzdan diýen ýaly goldanyldy. Olar esasan kompaniýanyň işgärleri we olaryň maşgalalarydyr.
Ilon Mask täze şäheriň döredilendigini X sosial torundaky hasaby arkaly tassyklady. Şeýle-de «Starbase» şäheriniň X-däki öz sahypasy hem döredildi. Ol hasapda şäheriň ösüşi bilen bagly täzelikler paýlaşylar. Meksikanyň serhedine golaý ýerleşýän «Starbase» 3,9 inedördül kilometre golaý meýdany tutýar. Şäheriň çäginde SpaceX-iň önümçilik desgalary, kosmodromy hem-de işgärler üçin ýaşaýyş jaýlary ýerleşýär.
SpaceX kompanivasy «Starbase» şäherini kosmos tehnologiýalarynyň merkezi hökmünde ösdürmegi maksat edinýär. Şäher derejesini almagyň esasy maksady – suw, elektrik üpjünçiligi we ýollar ýaly jemagat hyzmatlaryny özbaşdak dolandyrmakdyr. Netijede, kompaniýa şeýle hyzmatlar üçin Kameron okrugynyň ýolbaşçylary bilen ylalaşmazdan işleri alyp barmaga mümkinçilik gazandy. Şeýle-de raketalaryň uçurylýan mahaly, ýerli ýollary we kenar ýakalaryny ýapmak işi hem ýeňilleşer. Ozal şular ýaly çäreler ýerli häkimiýetleriň rugsadyny talap edýärdi. Şeýle-de «Starbase» şäheri işgärler üçin ýaşaýyş jaýlaryny we jemgyýetçilik şertlerini ösdürmäge mümkinçilik gazanar. Bu bolsa täze hünärmenleri çekmekde möhüm rol oýnar.


28.08.2025 23:44
1.8k+

SpaceX-iň köp gezeklik Falcon 9 raketasy 30-njy uçuşyny amala aşyrdy

28-nji awgustda SpaceX kompaniýasy Falcon 9 raketasyny üstünlikli uçurdy – ol Ýere golaý orbita Starlink internet aragatnaşyk ulgamynyň täze hemralaryny çykardy. Raketanyň B1067 belgili birinji köp gezeklik basgançagy uçuşdan soň Ýere gaýdyp geldi we eýýäm 30-njy gezek Atlantika ummanyndaky ýüzýän platformada asuda gondy...

28.08.2025 12:21
4.6k+

Mask Starship-de ýokary tizlikli uçuşlary wada berýär: Nýu-Ýorkdan Londona 10 minutda

Ilon Mask özüniň soňky çykyşynda ýene Starship kosmos gämisini Ýerde ýokary tizlikli uçuşlar üçin ulanmak mümkinçiligi barada söz açdy. SpaceX-iň ýolbaşçysynyň aýtmagyna görä, Los-Anjeles we Sidneý, Los-Anjeles we Tokio ýa-da Nýu-Ýork we Singapur ýaly şäherleriň arasyndaky syýahat 30 minutdan hem az wagt alyp biler...

28.08.2025 07:19
5.4k+

Iň güýçli Gün teleskopy rekord jikme-jiklik bilen koronal arkalaryny surata aldy

Astronomlar Deniel K. Inoue Gün teleskopynyň (DKIST) kömegi bilen Gündäki alawlamanyň jikme-jik suratyny aldy. Milli Gün obserwatoriýasynyň (NSO) hünärmenleri 2024-nji ýylyň 8-nji awgustynda bütindünýä wagty boýunça 20:12-de bolup geçen X1...

27.08.2025 11:42
2.4k+

SpaceX kompaniýasy Starship gämisiniň onunjy synag uçuşyny üstünlikli geçirdi

26-njy awgustda SpaceX amerikan kompaniýasy Starship gämisi oturdylan Super Heavy raketa göterijisiniň onunjy synag uçuşyny üstünlikli geçirdi. Çäre X sosial ulgamy arkaly göni ýaýlymda görkezildi. Kompaniýanyň berýän maglumatyna görä, synagda öňde goýlan maksatlara ýetildi we bu uçuş "dünýäde ilkinji dolulygyna köp gezeklik raketa göterijisini işläp taýýarlamakda ähmiýetli ädim» boldy...