Hindistanyň Tata Electronics we Foxconn zawodlary iPhone smartfonlarynyň, şol sanda täze iPhone 16 we iPhone 16e modelleriniň önümçiligine başlady. Bu Apple-iň önümçilik kuwwatyny Hytaýdan geçirmek strategiýasynyň bir bölegi boldy.
Reuters agentliginiň maglumatlaryna görä, Tata Electronics kompaniýasy Tamil Nadu ştatynyň Hosur şäherinde täze zawody işe girizdi. Zawod eýýäm köne iPhone modellerini çykaryp başlady we önümçilik bir gurnama hataryndan başlady.
Ýene bir zawod Foxconn-yň 2,6 mlrd dollarlyk maýa goýum taslamasynyň çäklerinde Bangalorda gurulýar. Bu ýerde ilkinji önümçilik hatary ýakyn günlerde işläp başlar.
Bangalordaky zawodda iPhone 16 we iPhone 16e modellerini çykarmak meýilleşdirilýär. Zawod sagatda 300-den 500-e çenli smartfon öndürip biler.
Çaklamalara görä, 2027-nji ýyla çenli Hindistandaky Foxconn zawodynda 50 000 töweregi adam işlär.
Apple geljek ýylyň ahyryna çenli amerikan bazary üçin iPhone önümçiliginiň uly bölegini Hytaýdan Hindistana geçirmegi meýilleşdirýär. Bu ädim önümçiligi diwersifikasiýalaşdyrmaga we Hytaýdan import üçin gümrük paçlary ýaly çykdajylary azaltmaga gönükdirilendir.
Şol bir wagtyň özünde, Donald Trampyň administrasiýasy kompaniýanyň önümçiligi ABŞ-a geçirmegini isleýär, Apple hem bu ýerde täze tehnologiýalara maýa goýmagy we täze iş orunlaryny döretmegi maksat edinýär.
