Türkmen talyplarynyň taslama işleri Dubaýda GOTECH 2025 halkara sergisinde görkezildi

  • 02.05.2025 16:46
  • 6.3k+

Ýagşygeldi Kakaýew adyndaky Halkara nebit we gaz uniwersitetiniň mugallymy we talyplary 2025-nji ýylyň 21-23-nji apreli aralygynda BAE-niň Dubaý şäherinde geçirilen GOTECH 25 "Energiýa, tehnologiýa, innowasiýa" halkara sergisine gatnaşdylar. Bu barada uniwersitetiň metbugat gullugy habar berýär.

Halkara sergä nebitgaz pudagynda innowasion çözgütler, känleri özleşdirmek, energiýany özgertmegiň tehnologiýalary, daşky gurşawa uglerod zyňyndylaryny azaltmak ýaly ugurlar boýunça kompaniýalar öz önümleri bilen gatnaşdylar. Serginiň çäklerinde halkara ylmy maslahat geçirildi.
Sergide Türkmenistanyň ýokary okuw mekdebiniň mugallymlary we talyplary tarapyndan taýýarlanan “Ýelli etraplarda, ýeliň energiýasyndan elektrik energiýasyny öndürýän, binalaryň üstünde ulanmak üçin niýetlenilen innowasion ýel elektrik desgasynyň taslama maketleri tanyşdyryldy. Şeýle hem “Buraw turbasyndaky boşlukdan howany gysyp çykarmak üçin enjamyň” makedi sergide görkezildi.
Serginiň dowamynda Ýagşygeldi Kakaýew adyndaky Halkara nebit we gaz uniwersitetiniň gurluşy, taýýarlaýan hünärleri, tejribehanalary we alyp barýan ylmy işleri barada sergä gatnaşyjylara tanyşdyryldy. Taslama işler boýunça sergä gatnaşan dürli kompaniýalaryň inženerleri bilen pikir alşyldy. Bu innowasion tehnologiýasynyň ekologik taýdan zyýansyz, gaýtadan dikeldilýän energiýa çeşmesi bolup durýandygy bellenildi.
GOTECH "Energiýa, Tehnologiýa Innowasiýa" sergisinde görkezilen taslama işleri bilen işjeň gatnaşan Ýagşygeldi Kakaýew adyndaky Halkara nebit we gaz uniwersitetiniň toparyna minnetdarlyk haty we ýadygärlik nyşany gowşuryldy.


düýn 22:13
1k+

Türkmenistanly talyp «Future Skills Sprint» atly halkara bilim maksatnamasyna gatnaşdy

Türkmenistanyň Oguz han adyndaky Inžener-tehnologiýalar uniwersitetiniň 4-nji ýyl talyby Aýsoltan Annamämmedowa 20 – 22-nji noýabr aralygynda Stambul (Türkiýe) şäherinde geçirilen «Future Skills Sprint» atly halkara bilim başlangyjynyň çäklerindäki okuwlara gatnaşdy...

düýn 22:10
1.2k+

Türkmenistanda mekdebe çenli bilim boýunça täze okuw gollanmasy neşir edildi

Türkmenistanda «Mekdebe çenli terbiýäni guramak we dolandyrmak» atly täze okuw gollanmasy neşir edildi. Ol Seýitnazar Seýdi adyndaky türkmen döwlet mugallymçylyk institutynyň pedagogika kafedrasynyň uly mugallymy N...

24.11.2025 00:01
4.5k+

Türkmenistanyň DIM-niň HGI Fransiýanyň öňdebaryjy ýokary okuw mekdepleri bilen hyzmatdaşlygy ýola goýýar

«Türkmen-Fransuz gatnaşyklary: häzirki zamanyň kynçylyklary we geljegi» atly maslahatyň çäklerinde, Türkmenistanyň Daşary işler ministrliginiň Halkara gatnaşyklary institutynyň rektory Gülşat Ýusupowa Parižde Fransiýanyň...

23.11.2025 22:56
5.2k+

Merkezi Aziýa döwletleri ýokary okuw mekdepleriniň diplomlaryny özara ykrar etmek barada ylalaşdylar

Merkezi Aziýa döwletleri akkreditirlenen ýokary bilim edaralary tarapyndan berlen diplomlary özara ykrar etmek barada ylalaşyga gol çekdiler. Orient agentliginiň Zakon.kz portalyna salgylanyp ýazmagyna görä, resminamada sebitiň döwletleriniň, şol sanda Türkmenistanyň hem, şeýle diplomlary umumy şertlerde ykrar etmek barada ylalaşandygy aýdylýar...