UFC-iň söweşijisi hakyndaky täze filmde Aleksandr Usik Dueýn Jonson bilen oktagona çykar

  • 01.05.2025 14:27
  • 12k+

A24 studiýasy amerikaly aktýor Dueýn “Gaýa” (“Скала”) Jonsonyň we Ukrainanyň agyr agram derejesindäki ýeňilmezek boksçysy Aleksandr Usigiň oýnan “Ýumurýan maşyn” (“Крушащая машина”) sport dramasynyň ilkinji treýlerini çykardy. Film 2025-nji ýylyň 3-nji oktýabrynda dünýä derejesinde görkeziler.

Film UFC-niň iki gezek çempiony, MMA-nyň häzirki söweşijisi Mark Kerriň terjimehalyna esaslanýar. Ol 1997–2009-njy ýyllar aralygynda bäsleşdi we UFC-niň, Pride-yň, IFL-iň, Cage Rage-iň we M-1 Global-yň ýaryşlaryna gatnaşdy. Şeýle hem filmde türgeniň karýerasynyň soňlanmagyna sebäp bolan agyryny aýryjy serişdelere garaşlylyk bilen göreşişi barada gürrüň berler.
Mark Kerriň keşbini Dueýn Jonson ýerine ýetirdi. Onuň aýalynyň keşbinde Emili Blant oýnady. Şeýle hem filmde garyşyk söweş sungatynyň birnäçe meşhur söweşijileri çykyş etdi.
Aleksandr Usik üçin bu film ilkinji aktýorlyk çykyşyna öwrüldi. Ol öz watandaşy, kikboksçy we MMA-nyň söweşijisi Igor Wowçançiniň keşbini ýerine ýetirdi.
“Ýumurýan maşyna” “Gyraňlanmadyk almazlar” (“Неограненные алмазы”) we “Gowy döwür” (“Хорошее время”) filmleri bilen tanalýan Benni Safdi režissýorlyk etdi. Bu onuň dogany Joş gatyşmazdan ýerine ýetiren ilkinji özbaşdak režissýorlyk işidir.
2002-nji ýylda HBO teleýaýlymy Kerr hakda adybir dokumental filmi çykarypdy. Oňa şol ýyllaryň tanymal söweşijileri gatnaşypdy.


düýn 11:02
5.9k+

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...

düýn 09:20
1.6k+

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

düýn 09:06
3.7k+

Paramount Jeki Çanyň we Kris Takeriň gatnaşmagynda «Dykyn wagty 4» filmini çykarar

Paramount studiýasy komediýa görnüşli «Dykyn wagty» («Час пик») uruşly filminiň dördünji bölümini çykarmak barada şertnama baglaşdy. Täze filmiň režissýory franşizanyň öňki bölümleriniň ählisini düşüren Brett Retner bolar...

28.11.2025 11:39
5.3k+

Variety ähli döwrüň iň gülkünç 100 komediýasyny saýlady

Variety žurnaly ähli döwrüň iň gowy 100 komediýasynyň reýtingini hödürledi. Žurnalistler sanaw düzülende filmiň klassyk bolmagyna täsir edýän faktorlary göz öňünde tutmaga çalyşdy, ýöne esasy görkeziji filmiň näderejede gülkünçdigi boldy...