Volkswagen ýewropa bazarynda elektromobil satuwy boýunça Tesla-dan geçdi

  • 30.04.2025 11:10
  • 2k+

JATO Dynamics-iň maglumatlaryna görä, 2025-nji ýylyň birinji çärýeginde Volkswagen Tesla-dan öňe geçip, Ýewropa Bileleşiginiň çäginde iň meşhur elektromobil brendi boldy diýip, «Business Insider» neşiri habar berýär.

Ýylyň ilkinji üç aýynda ÝB-de Volkswagen-iň 65 müň 679 elektromobili hasaba alyndy, Tesla bolsa 53 müň 237 sanysyny satdy. Şeýlelikde, germaniýaly awtoulag öndürijisi geçen ýylyň degişli döwri bilen deňeşdirilende, hasaba alyşlaryny 157% ýokarlandyrdy.
Şol bir wagtyň özünde, Tesla kompaniýasy hasaba alyşlarynyň 38% aşak gaçandygyny belläp geçdi. Bu sebitdäki otuz öňdebaryjy awtoulag brendiniň arasyndaky iň uly pese gaçyş boldy. Bu öwrülişikli pursat bolsa, Ýewropada akkumulýatorly elektromobil bazarynyň rekord derejede ösmegine gabat geldi: mart aýynda BEV-iň paýy ähli täze hasaba alyşlaryň 16,9%-ine ýetdi. Bu bolsa geçen ýyl bilen deňeşdirilende 2,7% ýokary. Bu ösüşe esasy goşandy Beýik Britaniýanyň bazary goşdy, ol ýerde isleg 13% ýokarlandy.
Umumy satuwlarynyň pese gaçandygyna garamazdan, «Tesla Model Y» we «Model 3» hasaba alyş sany boýunça iň meşhur iki elektromobil hökmündäki orunlaryny saklap galdylar. Martda «Model Y-niň» satuwy 43% aşaklady, «Model 3» bolsa 1% ösüş görkezdi. Ýakyn bäsdeşi – «Volkswagen ID.4» liderleriň üçlügini jemledi, emma «Model 3-den», takmynan, 2000 az nusgada satyldy.


düýn 11:28
2.5k+

Toyota ýetginjekler üçin iki orunlyk FT-Me elektrik ulagyny hödürledi

Toyota kompaniýasy ýetginjekler, täze sürüjiler hem-de eltip bermek hyzmatlary üçin niýetlenen iki orunlyk FT-Me elektrik ulagynyň nusgasyny hödürledi. Bu ulag kwadrisikl görnüşine degişli bolup, käbir ýurtlarda ony 14 ýaşdan başlap sürüp bolýar...

23.10.2025 10:07
1.4k+

Xiaomi Nýurburgring ýolunda täze YU7 GT elektrokrossoweriniň soňky synagyny geçirýär

Xiaomi kompaniýasy meşhur Nýurburgring ýolunda täze YU7 GT elektrik krossoweriniň soňky synaglaryny geçirýär. Ulagyň prototipi doly taýýar kuzowda görkezildi — bu bolsa köpçülikleýin önümçiligiň ýakyn wagtda başlanjakdygyny görkezýär...

22.10.2025 20:17
3.5k+

ABŞ-da elektromobillere berilýän subsidiýalaryň ýatyrylmagy sebäpli GM 1,6 milliard dollar ýitirer

General Motors konserni ABŞ-da elektrik ulaglaryny satyn almak üçin 30-njy sentýabra çenli güýji bar bolan federal salgyt ýeňillikleriniň ýatyrylmagy netijesinde, takmynan 1,6 milliard dollar ýitgi çeker diýip çaklaýar...

21.10.2025 16:08
4k+

Ýewropada täze Toyota RAV4-üň satuwy başlady: bahalar 42,8 müň ýewrodan başlaýar

Ýewropada täze, altynjy nesil Toyota RAV4 ulagynyň satuwy başlandy. Esasy wersiýa üçin baha 42,8 müň ýewrodan başlaýar. Italiýada bolsa ony aýda 299 ýewro töleg bilen satyn alyp bolýar. Model täze dizaýna eýe boldy: uly radiator gözenegi, C şekilli faralar, kuzowyň relýef gapdallary we 20 dýuýmlyk tigir diskleri...