Amerikanyň Azyk önümleriniň we derman serişdeleriniň hiline gözegçilik edarasy (FDA) Alibaba Damo Panda EA ulgamyna “öňegidişlik gazanan enjam” derejesini berdi. Ol aşgazanasty mäziň düwnük keselini irki tapgyrda anyklamak üçin niýetlenýär.
Ulgam lukmançylyk suratlaryny seljerip, keseliň başlanmagyny görkezip biljek dokumalardaky hatda ownujak üýtgeşmelere-de üns berýär.
Emeli aňa düwnük keseliniň ösüşi bilen bagly aýratynlyklary ýüze çykarmak “öwredildi”. Onuň iş netijeliligi Nature Medicine žurnalynda ýerleşdirildi.
Hytaýda ulgam Ninbo hassahanasynda 40 000 hassada synagdan geçirildi. Synaglar barada jikme-jik maglumat berilmeýär.
Ulgamy işläp taýýarlamak bilen Alibaba-nyň Damo Academy bölümçesi meşgullanýar. Geljekde kompaniýa taslamany giňeltmek üçin Ankon Medical Technologies ýaly lukmançylyk kompaniýalary bilen hyzmatdaşlyk etmegi meýilleşdirýär.
“Öňegidişlik gazanan enjam” derejesiniň berilmegi tehnologiýanyň ABŞ-da ornaşdyrylmagyny çaltlaşdyrmaga mümkinçilik berýär. Ulgam diagnoz wagtyny gysgaldyp, hassalar üçin çaklamalary gowulandyryp biler.
