“Independent” neşiriniň habaryna görä, 125 million ýyl ozal ýaşap geçen iki sany öň mälim bolmadyk ýelekli dinozawryň galyndylary tapyldy diýip, Independent ýazýar. Olara Sinosauropteryx lingyuanensis we Huadanosaurus sinensis diýip at berildi.
Galyndylar 133-120 million ýyl ozal ýaşap geçen haýwanlaryň gowy saklanyp galan galyndylarynyň bar ýeri hökmünde tanalýan Jehol biotasy sebitinden tapyldy.
Huadanosaurus sinensis-iň güýçli äňleri we boýun myşsalary bolupdyr. Ol süýdemdirijileri awlap, awyny tutuşlygyna ýuwdupdyr diýip alymlar çaklaýarlar. Onuň içegelerinde gemrijä meňzeş iki sany süýdemdirijiniň galyndylary tapyldy. Görnüşleriň ady, beýik bir şahsyýetiň doglan güni ýa-da wajyp bir edaranyň döredilen güni ýaly, möhüm wakalary alamatlandyrýan Huadan hytaý sözi bilen baglanyşyklydyr. Bu görnüşe şeýle at Hytaý Halk Respublikasynyň we Hytaý Ylymlar akademiýasynyň döredilmeginiň 75 ýyllygynyň hormatyna dakyldy.
Sinosauropteryx lingyuanensis galyndylaryň tapylan ýeri bolan Linýuan uýezdiniň adyny göterýär. Bu dinozawryň uzynlygy takmynan 1,2 m, ol guşlar bilen iýmitlenipdir.
Iki görnüşiň hem ululygy meňzeş. Sinosauropteryx lingyuanensis beýleki haýwanlary awlapdyr we günüň islendik wagtynda hem işjeň bolup bilipdir. Huadanosaurus sinensis, tersine, gije gezipdir.
Bu açyş hek döwrüniň ekoulgamyna we bu dinozawrlaryň özüni alyp barş aýratynlyklaryna has gowy düşünmäge kömek edýär.
