Nýu-Ýork halkara awtosalonynda World Car of the Year baýragynyň jemi jemlendi. Şu ýyl baş baýragy Kia EV3 elektromobili aldy.
Koreý brendiniň ulagy BMW X3 we Hyundai Inster / Casper Electric ýaly bäsdeşlerinden öňe geçp, “Ýylyň bütindünýä awtomobili” adyny eýe boldy.
Kia EV3 döwrebap dizaýny we tehniki aýratynlyklary bilen derrew ünsi özüne çekmegi başardy. Modeliň geçýän menzili 605 km ýetýär, 10-dan 80%-e çenli zarýad bermek bolsa 31 minut wagt alýar, ulag sürüjä kömek ulgamlary we emeli aň elementleri bilen üpjün edili.
96 halkara awtomobil žurnalistinden ybarat bolan eminler awtomobiliň ösen tehnologiýasyna we ýokary derejede rahatlygyna baha berdi.
“Biz üçin şeýle baýragy almak uly mertebe! Bu biziň estetik taýdan özüne çekiji we ekologiýa taýdan durnukly çözgütleri döretmekde tagallalarymyzy tassyklaýar” – diýip, Kia-nyň prezidenti Ho Son Son belledi.
Beýleki nominasiýalarda baýraga şular mynasyp boldy:
- Iň gowy elektromobil – Hyundai Inster / Casper Electric
- Iň gowy kaşaň awtomobil – Volvo EX90
- Iň gowy şäher awtomobili – BYD Seagull / Dolphin Mini
- Iň gowy öndürijilikli awtomobil – Porsche 911 Carrera GTS
- Iň gowy dizaýn – Volkswagen ID. Buzz
- Ýylyň adamy – BYD-yň wise-prezidenti Stella Li
2020-nji ýyldan bäri Kia alty World Car Awards baýragyny aldy. Ozal EV9 we Soul EV modelleri tapawutlanypdy.
