Amerikan awiakompaniýasy Delta Air Lines yzygider ýedinji ýyl dünýäniň awiagatnadyjylarynyň arasynda iň gymmat brend diýlip ykrar edildi. Bir ýylyň dowamynda brendiň bahasy 38,5% - 14,912 mlrd dollara çenli ýokarlandy diýip, Brand Finance habar berýär.
Reýtingiň alty öňdebaryjysy öňküligine galdy. Delta-dan başga-da, liderleriň hataryna United Airlines ($12,265 mlrd, ösüş 41,4%), American Airlines ($11,7 mlrd, +14,2%), Emirates ($8,365 mlrd, +26,6%), Southwest Airlines ($6,342 mlrd, +17,6%) we British Airways ($4,57 mlrd, +44%) girýär. United Airlines awiakompaniýasy American Airlines-den öňe geçip, ikinji orna çykdy.
Ýedinji orna China Southern ($4,09 mlrd, +48,9%) geçdi. Qatar Airways ýedinji orundan sekizinji ($3,856 mlrd, +22,9%), Air Canada dokuzynjy orna düşdi ($3,238 mlrd, +15,4%). Onlugy 12-nji orundan galan China Eastern ($3,173 mlrd) jemleýär.
Reýtingde iň uly baha ösüşini Malaysia Airlines görkezdi: +209% ($607 mln çenli). Kompaniýa 45-nji orna çykyp, 10 ýylda birinji gezek ilkinji 50-lige girdi.
Iň uly 50 awiabrendiň umumy bahasy 29% ýokarlanyp, 132,4 mlrd dollara ýetdi.
Sanawa bir ýyl ozalky ýaly 11 hytaý kompaniýasy girdi. ABŞ-nyň paýy azaldy: geçen ýylky on bilen deňeşdirilende, ýedi awiakompaniýa.
Howa menzilleriniň arasynda Londondaky Hitrou öňde barýar ($991 mln). Şeýle-de, üçlüge Singapuryň Çangi ($765 mln) we Parižiň Şarl-de-Goll howa menzili ($745 mln) girýär. Öňdebaryjy 25 howa menziliniň umumy bahasy bir ýylda 16% ýokarlandy.
