ChatGPT mart aýynda dünýäde ilkinji gezek iň köp ýüklenen programma boldy

  • 16.04.2025 07:51
  • 1.2k+

2025-nji ýylyň mart aýynda ChatGPT ilkinji gezek dünýäde iň köp ýüklenen programma boldy – ol TikTok bilen Instagram-y hem geçdi. App Figures analitik kompaniýasynyň berýän maglumatlaryna görä, geçen aýda OpenAI-yň esasy programmasy 46 million gezek ýüklendi. Şolaryň 13 milliony iPhone enjamlaryna, 33 milliony bolsa Android ulgamlaryna degişlidir.

Şol döwürde TikTok 45 million gezek, Instagram bolsa ChatGPT bilen deň – 46 million gezek ýüklendi, ýöne ChatGPT sähel öňe saýlanmagy başardy.
Hünärmenler ösüşiň esasy sebäbini surat döretmek bilen bagly täze funksiýanyň peýda bolmagy bilen baglanyşdyrýarlar. Ulanyjylaryň arasynda Ýaponiýanyň Studio Ghibli studiýasynyň äheňinde döredilen suratlar örän meşhur boldy. Bu studiýa meşhur anime-taslamalary bilen tanalýan ýapon multiplikator Haýaо Miýadzaki bilen baglanyşyklydyr.
Täze funksiýanyň işe girizilen ilkinji hepdesinde ulanyjylar 700 milliondan gowrak surat döretdiler. Bu suratlary 130 milliondan gowrak adam taýýarlady. Ol suratlar sosial torlarda tiz wagtda ýaýrady we örän meşhur boldy.
Iň köp ýüklenen programmalaryň ilkinji 10-lugyna WhatsApp, Telegram we Threads programmalary hem girýär. Umuman alanyňda, mart aýynda dünýä boýunça 339 million programma ýüklenipdir. Bu görkeziji fewrala garanyňda 40 million ýokarydyr.
ChatGPT-niň ýüklenip alynma sany diňe bir aýda 28% artdy. 2025-nji ýylyň başyndan bäri bolsa, bu görkeziji 148% ýokarlandy. Analitikleriň pikirine görä, bu programma ulanyjylaryň özüni alyp barşyny düýpli üýtgedýär – öň olar wagtlaryny TikTok ýa-da Instagram-da geçirýän bolsalar, indi döredijilik üçin emeli aň programmalaryny saýlaýarlar.
Aprel aýynda hem täze rekordlaryň bolmagyna garaşylýar. Ulanyjylar OpenAI-dan wideo we saz döretmek ýaly mümkinçilikleriň goşulmagyny talap edýärler. Kompaniýa bolsa bu islegleri göz öňünde tutjakdygyny aýdýar.


19.06.2025 13:55
3.6k+

Instagram ulanyjylary akkauntlaryň sebäpsiz petiklenmeginden zeýrenýär

Instagram ulanyjylary eýýäm birnäçe hepde bäri akkauntlaryň açyk sebäp bolmazdan köpçülikleýin petiklenmeginden zeýrenýär. Köpler muny emeli aňa esaslanýan ulgamyň işinde bolup biljek bökdençlikler bilen baglanyşdyrýar...

19.06.2025 11:04
2.4k+

Facebook, YouTube, Instagram, WhatsApp, TikTok... ilkinji gezek esasy habar çeşmesine öwrüldi

Sosial ulgamlar esasy habar çeşmesi hökmünde telewideniýeden, gazetlerden, habar saýtlaryndan we beýleki adaty köpçülikleýin habar beriş serişdelerinden öňe geçýär. Bu barada Oksford uniwersitetiniň Reuters Institute for the Study of Journalism merkeziniň täze hasabatynda aýdylýar...

14.06.2025 12:35
4k+

Matematikler çylşyrymly meseleleri çözmekde emeli aňdan geçip bilmediler

Kaliforniýanyň Berkli şäherinde Epoch AI tarapyndan gurnalan iki günlük ýapyk çäre geçirildi. Çärede dünýäniň 30 sany öňdebaryjy matematigi OpenAI-yň o4-mini çat-boty bilen bäsleşdi. Maksat neýro ulgamyň çylşyrymly logiki piker ýörediş ukybyny barlamakdy...

14.06.2025 09:50
1.5k+

Google, Spotify, ChatGPT we beýleki hyzmatlaryň işinde global näsazlyk ýüze çykdy

Downdetector platformasynyň maglumatlaryna görä, 12-nji iýun gijesi uly sanly hyzmatlaryň birnäçesiniň işinde giň gerimli näsazlyk ýüze çykdy. Ulanyjylar Google hyzmatlaryny – Cloud, Drive, Meet, Gmail, şeýle-de gözleg ulgamy we YouTube wideohostingini ulanmaga synanyşanlarynda kynçylyklar bilen ýüzbe-ýüz bolandyklaryny habar berdiler...