Türkmenistan Ženewada SPECA-nyň ministrler duşuşygyna we UNECE-iň 71-nji mejlisine gatnaşdy

  • 10.04.2025 14:35
  • 1.4k+

8-nji aprelde Türkmenistanyň BMG-niň Merkezi Aziýanyň ykdysadyýetleri üçin ýörite maksatnamasynda (SPECA) başlyklygynyň çäginde SPECA agza ýurtlaryň ministrler duşuşygy geçirildi. Bu barada Türkmenistanyň DIM-niň metbugat gullugy habar berýär.

Ženewadaky Milletler Köşgünde geçirilen duşuşyga Türkmenistanyň wise-premýeri H.Geldimyradowyň ýolbaşçylygyndaky türkmen wekiliýeti, Ýewropa ykdysady komissiýasynyň ýerine ýetiriji sekretary Tatýana Molçan we ESCAP-yň Ýerine ýetiriji sekretary Armida S. Alişahbana (onlaýn görnüşde) ýaly BMG-niň ýokary derejeli wekilleri, şeýle hem SPECA agza ýurtlaryň milli wekiliýetleri gatnaşdylar.
Gün tertibine laýyklykda SPECA-nyň çäginde kabul edilen esasy strategiki resminamalaryň ýerine ýetirilmegine aýratyn üns berildi.
Gatnaşyjylar eksport mümkinçiliklerini ösdürmek we sebitiň ýurtlarynyň ählumumy üpjünçilik zynjyrlaryna gatnaşmagy, Merkezi Aziýa, Kawkaz we Ýewropanyň arasyndaky infrastruktura baglanyşygy, energetika arabaglanyşygy we alternatiw energetikany ösdürmek, ulag we logistika pudagyna maýa goýumlaryny çekmek ýaly meseleleriň giň toplumyna garadylar.

9-njy aprelde Türkmenistanyň wekiliýeti BMG-niň Ýewropa ykdysady komissiýasynyň (UNECE) Ženewada geçirilen 71-nji mejlisine gatnaşdy.
Sessiýa durnukly ösüş, sanly özgeriş, ýaşyl ykdysadyýet, Ýewropa sebitiniň çäginde hem-de onuň daşynda söwda we ulag bilen baglanyşykly wajyp meseleleri ara alyp maslahatlaşmak üçin agza ýurtlaryň, halkara guramalaryň we BMG-niň edaralarynyň wekillerini ýygnady.
Gün tertibinde söwda we ulag proseslerini sanlylaşdyrmak, sebit özara gatnaşygyny gowulandyrmak, howanyň durnukly infrastrukturasyny goldamak we sebitara hyzmatdaşlygy çuňlaşdyrmak meselelerine aýratyn üns berildi.
Çärä BMG-niň Ženewadaky edarasynyň Baş direktory Tatýana Walowaýa hem gatnaşdy. Sessiýa gatnaşyjylaryň öňünde çykyş etmek bilen, T.Walowaýa 2030-njy ýyla çenli döwür üçin Durnukly ösüşiň Gün tertibine ýetmekde sebit hyzmatdaşlygyny berkitmegiň ähmiýetini belledi.
Sessiýa gatnaşmagyň çäginde Türkmenistanyň wekiliýeti UNECE bilen hyzmatdaşlygy has-da berkitmäge hem-de sebitde durnukly, inklýuziw we deňagramly ykdysadyýeti ösdürmäge gönükdirilen BMG-niň edaralary tarapyndan durmuşa geçirilýän başlangyçlara işjeň gatnaşmaga taýýarlygyny beýan etdi.


düýn 13:05
2.5k+

Serdar Berdimuhamedow Hytaýyň täze bellenen ilçisinden ynanç hatyny kabul etdi

25-nji iýulda Hytaý Halk Respublikasynyň Türkmenistanda täze bellenen Adatdan daşary we Doly ygtyýarly ilçisi Szi Şumin Prezident Serdar Berdimuhamedowa ynanç hatyny gowşurdy. “Biz ähli derejede syýasy dialogyň has-da giňeldilmegine aýratyn ähmiýet berýäris...

düýn 13:00
9k+

1-nji awgustdan Türkmenistanyň Hökümetiniň ýolbaşçylary zähmet rugsadyna çykarlar

25-nji iýulda Ministrler Kabinetiniň sanly ulgam arkaly şu aýdaky soňky mejlisi geçirildi. 1-nji awgustdan başlap oba hojalyk toplumynyň ýolbaşçylaryndan hem-de welaýat häkimlerinden beýleki ýolbaşçylaryň zähmet rugsady başlanýar...

düýn 11:35
5.9k+

Serdar Berdimuhamedow Türkmenistanda «Elektron hökümet» ulgamy babatda taýýarlanan teklibi makullady

25-nji iýulda geçirilen Hökümet mejlisiniň barşynda wise-premýer M.Çakyýew ýurdumyzyň ykdysadyýetiniň ähli pudaklaryny sanlylaşdyrmak we olara döwrebap çözgütlere esaslanýan innowasion tehnologiýalary ornaşdyrmak boýunça alnyp barylýan işler barada hasabat berdi...

düýn 11:29
1.8k+

Türkmenistanyň Prezidenti ÝUNESKO bilen hyzmatdaşlyk boýunça teklipleri makullady

25-nji iýulda geçirilen Hökümet mejlisiniň barşynda wise-premýer, daşary işler ministri R.Meredow Türkmenistanyň Prezidentiniň BMG-niň çäginde öňe sürýän ynsanperwer başlangyçlaryny mundan beýläk-de iş ýüzünde amala aşyrmak maksady bilen, birnäçe teklipleri hödürledi...