TDIM-niň Halkara gatnaşyklary instituty gutardyş synp okuwçylaryny «Açyk gapylar» gününe çagyrýar

  • 03.04.2025 10:36
  • 6.9k+

Türkmenistanyň Daşary işler ministrliginiň Halkara gatnaşyklary instituty 2025 — 2026-njy okuw ýylynda instituta okuwa girmäge isleg bildirýän ýurdumyzyň orta mekdepleriniň okuwçylaryny, esgerleri, önümçilikde zähmet çekýän ýaşlary 14-nji we 30-njy aprelde sagat 09:00-da «Açyk gapylar» gününe çagyrýar.

«Açyk gapylar» gününde ýaşlar institutda öwredilýän hünärler, kompýuter, internet, sinhron-terjime we lingafon, interaktiw okuw otaglary, institutyň durmuşy baradaky stendler we wideofilm, şeýle hem «Türkmen diplomatiýasynyň taryhy» muzeýi, okuw studiýasy, institutda hereket edýän Ýaş diplomatlar merkezi, Türkmenistanyň diplomatiýasynyň möhüm ugurlary boýunça okuw merkezi hem-de Durnukly ösüş maksatlary boýunça ylmy-usulyýet merkezi bilen tanşyp bilerler.
Welaýatlardan okuwa girmäge isleg bildirýän dalaşgärler üçin:

  • Ahal welaýatynyň ýaşlary üçin — 1-nji, 14-nji we 30-njy aprelde sagat 09:00-da Türkmenistanyň Daşary işler ministrliginiň Halkara gatnaşyklary institutynda;
  • Balkan welaýatynyň ýaşlary üçin — 1-nji we 14-nji aprelde «Türkmennebit» döwlet konserniniň Balkanabat nebitçilik orta hünär okuw mekdebinde;
  • Daşoguz welaýatynyň ýaşlary üçin — 1-nji we 14-nji aprelde Türkmen oba hojalyk institutynda;
  • Lebap welaýatynyň ýaşlary üçin — 1-nji we 14-nji aprelde Seýitnazar Seýdi adyndaky Türkmen döwlet mugallymçylyk institutynda;
  • Mary welaýatynyň ýaşlary üçin — 1-nji we 14-nji aprelde Türkmenistanyň Döwlet energetika institutynda «Açyk gapylar» güni geçiriler.

Institutyň salgysy: Aşgabat şäheriniň Galkynyş köçesiniň 25-nji jaýy.
Habarlaşmak üçin tel: 26-61-13.
Maglumat almak üçin institutyň web sahypasy: www.iirm­fa.edu.tm


düýn 22:13
939

Türkmenistanly talyp «Future Skills Sprint» atly halkara bilim maksatnamasyna gatnaşdy

Türkmenistanyň Oguz han adyndaky Inžener-tehnologiýalar uniwersitetiniň 4-nji ýyl talyby Aýsoltan Annamämmedowa 20 – 22-nji noýabr aralygynda Stambul (Türkiýe) şäherinde geçirilen «Future Skills Sprint» atly halkara bilim başlangyjynyň çäklerindäki okuwlara gatnaşdy...

düýn 22:10
1.1k+

Türkmenistanda mekdebe çenli bilim boýunça täze okuw gollanmasy neşir edildi

Türkmenistanda «Mekdebe çenli terbiýäni guramak we dolandyrmak» atly täze okuw gollanmasy neşir edildi. Ol Seýitnazar Seýdi adyndaky türkmen döwlet mugallymçylyk institutynyň pedagogika kafedrasynyň uly mugallymy N...

24.11.2025 00:01
4.5k+

Türkmenistanyň DIM-niň HGI Fransiýanyň öňdebaryjy ýokary okuw mekdepleri bilen hyzmatdaşlygy ýola goýýar

«Türkmen-Fransuz gatnaşyklary: häzirki zamanyň kynçylyklary we geljegi» atly maslahatyň çäklerinde, Türkmenistanyň Daşary işler ministrliginiň Halkara gatnaşyklary institutynyň rektory Gülşat Ýusupowa Parižde Fransiýanyň...

23.11.2025 22:56
5.2k+

Merkezi Aziýa döwletleri ýokary okuw mekdepleriniň diplomlaryny özara ykrar etmek barada ylalaşdylar

Merkezi Aziýa döwletleri akkreditirlenen ýokary bilim edaralary tarapyndan berlen diplomlary özara ykrar etmek barada ylalaşyga gol çekdiler. Orient agentliginiň Zakon.kz portalyna salgylanyp ýazmagyna görä, resminamada sebitiň döwletleriniň, şol sanda Türkmenistanyň hem, şeýle diplomlary umumy şertlerde ykrar etmek barada ylalaşandygy aýdylýar...