Bill Geýts wagtyň geçmegi bilen emeli aň önümçilikden başlap, täze tehnologiýalary döretmäge çenli köp sanly kärlerden adamlary gysyp çykarar diýip hasaplaýar. Ýöne üç pudak barybir adama bagly bolup galar diýip, Microsoft-yň esaslandyryjysy Geýts Jimmi Fellonyň alyp bamagynda The Tonight Show ýaýlymynda aýtdy.
Birinjisi – kodlamak. Geýts emeli aňyň eýýäm kod ýazyp bilýändigini, ýöne adamlaryň barybir onuň işini barlap, prosesiň çuň gatlaklaryndan özbaşdak baş çykarmaly boljakdygyny belledi.
Geýts adam gatnaşmazdan oňmajak ikinji pudak hökmünde biologiýany belledi. Emeli aň anyklaýyşda we DNT-ni (DNK) seljermekde kömek edip biler, ýöne ylmy gözlegler we gözegçilik biologlaryň boýnuna galar.
Milliarder adama bagly bolan üçünji kär energetika diýip hasaplaýar. Geýtsiň pikiriçe, bu ugur doly awtomatizirleme üçin has çylşyrymly we töwekgelçiliklidir.
Microsoft-yň esaslandyryjysy beýleki kärleriň hepdede iki-üç iş gününe çenli azaljakdygyny ýa-da düýbünden ýok boljakdygyny aýdýar. Adamzat hem munuň bilen ýaşamagy öwrener. Ol uýgunlaşmaly bolar.
