2025-nji ýylyň 23-nji aprelinde Türkmen oba hojalyk institutynde “Oba hojalygynda tebigy baýlyklary rejeli peýdalanmak” atly sanly ulgam arkaly halkara ylmy-amaly maslahaty geçiriler. Maslahatyň Guramaçylyk topary isleg bildirýänleri gatnaşmaga çagyrýar.
Halkara ylmy-amaly maslahat tebigy baýlyklardan rejeli peýdalanmagyň ýörelgelerini, tehnologiýalaryny we çemeleşmelerini ara alyp maslahatlaşmagy maksat edinýär.
Şeýle hem maslahatyň dowamynda:
- Agrosenagat toplumynda tebigy baýlyklardan peýdalanmagyň häzirki zaman meselelerini we töwekgelçiliklerini ýüze çykarmak;
- Oba hojalygynda suwdan, ýerden, energiýa çeşmelerinden rejeli peýdalanmagyň innowasion usullaryny we tehnologiýalaryny ara alyp maslahatlaşmak;
- Dürli ýurtlaryň alymlarynyň we bilermenleriniň arasynda tejribe alyşmaklaryny üpjün etmek;
- Ekologiki we tebigy baýlyklar babatynda meseleleri çözmek üçin halkara hyzmatdaşlygyň mümkinçiliklerini kesgitlemek;
- Oba hojalyk pudagyna netijeli çemeleşmeleri ornaşdyrmak boýunça teklipleri taýýarlamak meseleleri maslahatlaşylar.
Halkara maslahata gatnaşmaga isleg bildirýänler öz tezislerini we annotasiýalaryny (elektron görnüşinde) 2025-nji ýylyň 12-nji apreline çenli tohi_tm@sanly.tm elektron poçtasyna ibermeli.
Maslahata sanly ulgam arkaly gatnaşmagyň şertleri bilen şu salgydan tanşyp bilersiňiz.
Habarlaşmak üçin:
tel: (+99312) 9-27-47; faks: (+99312) 9-27-48
elektron poçta: tohi_tm@sanly.tm
tohi.tm.info@gmail.com
