Hindistanyň Kerala ştatyndan fermer Piter Lenu maýda geçileri (pygmy goats) ösdürip ýetişdirýär. Onuň hojalygyndaky mallar esasan kiçijik boýlary bilen ünsleri özüne çekýär. Esasan-da Karumbi atly gara geçi aýratyn tapawutlanýar. Onuň boýy bary-ýogy 42,7 sm, bedeniniň uzynlygy bolsa 33,5 sm.
Günleriň birinde Piteriň tanşy oňa Karumbiniň dünýäniň iň kiçi geçisi bolup biljekdigini aýdýar. Fermer bu çaklamany barlamak maksady bilen, Ginnesiň rekordlar kitabynyň hünärmenlerini çagyrypdyr. Olar geçini ölçäp, onuň hakykatdanam rekord derejede kiçidigini tassykladylar.
Karumbi häzir dört ýaşynda we ol örän mylakatly. Ol fermada sygyrlar, towşanlar, towuklar, ördekler we beýleki geçiler bilen oýnaýar. Piteriň üç erkeji, dokuz geçisi we on owlagy bar. Gysga wagtda Karumbi hem köpelşip, mallaryň sanynyň artmagyna öz goşandyny goşar.
Kiçijik boýuna garamazdan, ol fermadaky beýleki mallar ýaly işjeň we dostlukly.
