Aşgabatda germaniýaly belli aýdymçynyň konserti geçiriler

  • 28.03.2025 12:18
  • 10k+

Penşenbe, 4-nji aprelde Türkmenistanyň Döwlet medeniýet merkeziniň Mukamlar köşgünde "Paris la nuit – Berlin im Licht" atly konsert geçiriler.

Konsertde belli nemes aýdymçysy Katarina Merling we pianinoçy Ferdinand fon Zebah Kurt Wailiň hem-de Edit Piafyň eserlerini ýerine ýetirer. Şeýle hem konsertde Türkmenistanyň Döwlet simfoniki orkestri, dirižýor Rasul Klyçewiň ýolbaşçylygynda çykyş eder.
Çäräni Germaniýanyň ilçihanasy we Fransiýanyň instituty guraýar. Başlanýan wagty – 19:00.
Katarina Merling nemes aýdymçysy we aktrisasy bolup, ol Berliniň iň meşhur ýerine ýetirijisi hökmünde alty gezek «Altyn perde» baýragyna mynasyp boldy. Ol «Arizona hanymy» (
«Аризонская леди»), «Sawoýedäki bal» («Бал в Савойе»), «Meniň ajaýyp hanymym» («Моя прекрасная леди») ýaly sahna eserlerinde, şeýle-de «Piaf», «Kabarе», «Üç teňňelik opera» we «Ewita» atly meşhur mýuzikllerde baş keşpleri ýerine ýetirdi.
Teatr sahnalaryndan başga-da, ol Golliwudyň birnäçe filmlerine, şol sanda «Walkiriýa operasiýasy» («Операция Валькирия») filmine surata düşdi. Katarina Merling jaz we fransuz şansony bilen hem tanalýar. Onuň Bonsoir Katharine, Piaf au Bar we In love with Judy ýaly birnäçe albomy çap edildi.


düýn 14:56
5.1k+

«Ýaňlan, Diýarym!» telebäsleşiginde Balkan welaýatyndan Ýunus Aşyrdurdyýew we Öwezmyrat Ataýew wekilçilik eder

Balkanabat şäheriniň «Türkmeniň ak öýi» binasynyň öňündäki meýdançada «Türkmeniň Altyn asyry» atly bäsleşiginiň çäklerinde guralýan «Ýaňlan, Diýarym!» telebäsleşiginiň Balkan welaýaty boýunça jemleýji tapgyry geçirildi...

28.07.2025 18:02
6.2k+

Türkmenistanda çagalar baglarynyň şepagat uýalarynyň we aşpezleriniň arasynda bäsleşigiň netijeleri yglan edildi

24-25-nji iýulda Aşgabat şäherindäki 127-nji ýöriteleşdirilen çagalar bagynda mekdebe çenli çagalar edaralarynyň şepagat uýalarynyň we aşpezleriniň gatnaşmaklarynda geçirilýän «Körpe nesliň saglygy – ýurdumyzyň baýlygy», «Bereketli türkmen saçagy» atly bäsleşikleriň jemleýji döwlet derejesindäki tapgyry geçirildi...

28.07.2025 14:14
4k+

Türkmenistanyň Ýaşlar kamera orkestri Wenada geçirilen festiwalda ýene-de "Altyn baýrak" aldy

Türkmenistanyň zehinli sazandalaryndan ybarat bolan Ýaşlar kamera orkestri 23 — 26-njy iýul aralygynda Awstriýa Respublikasynyň Wena şäherinde XI Bütindünýä orkestr festiwalyna gatnaşyp, "Altyn baýraga" mynasyp boldular...

28.07.2025 08:59
10k+

Türkmenistanda hepdelik howa maglumaty (28.07 - 03.08)

Türkmenistanyň Daşky gurşawy goramak ministrliginiň Gidrometeorologiýa gullugynyň ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda az bulutly, hepdäniň ortasynda üýtgäp durýan bulutly howa bolup, demirgazyk-günbatardan günorta-gündogara ugruny üýtgedýän tizligi sekuntda 10 — 12 metrden 13 — 15 metre ýetýän şemal öwser...