26-njy martda Türkmenistanyň Malaýziýadaky ilçihanasynyň guramagynda Sunway uniwersitetinde Prezident Serdar Berdimuhamedowyň «Magtymguly – dünýäniň akyldary» atly kitaby tanyşdyryldy. Bu barada Türkmenistanyň DIM-nde habar berdiler.
Tanyşdyrylyş dabarasyna ýokary okuw mekdebiniň professor-mugallymlary, şeýle hem bu uniwersitetde bilim alýan türkmen talyplary gatnaşdylar.
Türkmenistanyň Malaýziýadaky ilçisi M.Maşalow öz çykyşynda «Magtymguly – dünýäniň akyldary» atly kitabyň many-mazmuny barada giňişleýin gürrüň berip, şahyryň döredijiliginiň parahatçylyk we ynanyşmak ýörelgelerini ilerletmekdäki ähmiýetini belledi.
Çäräniň ahyrynda Türkmenistanyň Prezidentiniň «Magtymguly – dünýäniň akyldary» atly kitaby Sunway uniwersitetiniň kitaphana gaznasyna gowşuryldy.
