Baliniň hökümeti daşary ýurtly syýahatçylar üçin täze düzgünleri girizdi. Bu barada Antara agentligi habar berýär.
Daşary ýurtlulardan, aýratynam, sežde edilýän ýerlerde ýönekeý geýinmek we özüňi sylagly alyp barmak talap edilýär. Awtomobil sürülende halkara şahadatnamasy, motosikl dolandyrylanda bolsa şlem talap ediler.
Şeýle-de, syýahatçylar 150 müň Indoneziýa rupiýasy (takmynan, $9) möçberinde töleg tölemeli bolar. Olaryň ýanynda bolsa ýerli däp-dessurlar bilen tanyş bolan ygtyýarly ýolbelet bolmaly.
Syýahatçylyk salgydy 2025-nji ýylyň 14-nji fewralynda hereket edip başlady. Ol bir gezek tölenýär we Indoneziýadan çykýançaň güýjünde galýar. Syýahatçylar Baliden gidip, yzyna gaýdyp gelip, gaýtadan tölemän biler.
Walýuta çalşygy diňe ýörite nokatlarda rugsat edilýär, töleg bolsa milli walýutada QR kody arkaly amala aşyrylýar. Paýyş sözlülik, resmi däl iş we telekeçilik gadagan edilýär. Düzgün bozanlara jeza ýa-da kazyýet garaşýar. Şeýle-de, hapa taşlamak, şol sanda bir gezeklik plastikleri taşlamak hem gadagandyr.
