Apple kompaniýasy Apple TV+ striminginde ýylda 1 mlrd dollardan gowrak ýitgi çekýär. 2024-nji ýylda korporasiýa ilkinji gezek önümçilik çykdajylaryny 500 mln dollar azaltdy diýip, çeşmelere salgylanyp, The Information habar berýär.
2019-njy ýylda hyzmat işe girizileni bäri Apple ýylda 5 mlrd dollardan gowrak serişde sarp etdi. Deadline neşiri işe girizilenden soň ilkinji ýyllarda milliardlarça dollarlyk ýitgileriň akym hyzmatlary üçin adaty zatdygyny we köpüsiniň soňlugy bilen girdeji gazanýandygyny belleýär. Geçen ýyl Apple 391 mlrd dollar gazandy, şonuň üçin bu ýitgileri aňsatlyk bilen geçirip biler.
Bellenilişi ýaly, Apple kompaniýasy “Ertirki şou” (Утреннее шоу), “Ted Lasso” (Тед Лассо), “Terapiýa” (Терапия) we “Bölüniş” (Разделение) ýaly üstünlikli bolan taslamalarynyň netijesinde ýitgileri kem-kemden azaltmagy başarýar.
Şeýle-de, The Information Apple TV+ hyzmatyna ýazylan ulanyjylaryň sanyny mälim etdi. Korporasiýa şeýle maglumat bilen hiç haçan paýlaşmady, ýöne neşir strimingiň 45 mln tomaşaçy müşderisiniň bardygyny belleýär. Ol 36 mln ulanyjyly Peacock-dan öňe geçdi we 53 mln ulanyjyly Hulu-nyň yzyndan barýar.
Hyzmata ýazylan ulanyjylaryň sanynyň artmagy “Bölüniş” serialynyň üstünligi bilen baglanyşykly bolup biler. Tomaşaçylar ikinji möwsüm çykandan soň bu seriala 3 mlrd minut tomaşa etdi: bu ortaça her ulanyjy üçin bir bölüme deňdir.
