Apple kompaniýasy 18,8 dýuýmlyk ekrany bolan ilkinji eplenýän enjamynyň üstünde işleýär. «GF Securities» hytaý kompaniýasynyň analitigi Jeff Punuň aýtmagyna görä, bu enjam macOS operasion ulgamy bilen işleýär, şonuň üçin ol planşete garanyňda, noutbuga has köp meňzeýär.
Onuň sözlerine görä, täze enjam iPad bilen MacBook-yň utgaşmasy bolar. Fiziki klawiaturasy bolmasa-da, ony dolulygyna kompýuter ýaly ulanyp bolar. Enjamyň önümçiligine 2026-njy ýylyň ikinji ýarymynda başlamak meýilleşdirilýär, 2027-nji ýylyň başynda bolsa satuwa çykmagyna garaşylýar.
Jeff Pu Apple kompaniýasynyň Foxconn zawodlarynda täze önümçilik prosesine (NPI) başlandygyny hem belläp geçdi. Şol ýerde iki sany eplenýän enjam synagdan geçirilýär, olaryň biri eplenýän iPhone ýa-da iPad bolup biler.
Çeşmeleriň berýän maglumatlaryna görä, bu enjamyň bir modeli 7,74 dýuýmlyk içki ekrana we 5,49 dýuýmlyk daşky ekrana eýe bolar. Ikinji model has uly bolup, 19 dýuýmlyk ekranly eplenýän iPad Pro bolup biler. Emma bu maglumatlar entek resmi taýdan tassyklanmady.
