Microsoft oýunçylara kynçylyklary ýeňip geçmekde hem-de oýnuň sazlamalarynda, şeýle hem gözleglerde wagt tygşytlamaga kömek etmek arkaly oýun prosesini ýönekeýleşdirjek şahsylaşdyrylan EA kömekçisi bolan Copilot for Gaming-i hödürledi.
Işläp taýýarlama geljek aý Xbox Insiderler üçin synag režiminde peýda bolar diýip, Xbox-yň oýun EA-sy boýunça wise-prezidenti Fatima Kardar kompaniýanyň resmi podkastynda aýtdy.
Copilot for Gaming üç ýörelgä esaslanýar: mümkinçilik, uýgunlaşma we şahsylaşdyrma. Ol oýunçylara oýunlary has çalt tapmaga, göçürip almaga we täzelemäge, taýýarlyk işlerine az wagt sarp etmäge, şeýle hem oýundaky kyn pursatlary ýeňip geçmäge kömek eder.
Funksiýalarynyň biri oýunda içerki kömek bolar. Copilot strategiýalary teklip edip biler, köp oýunçyly oýunlarda iň gowy gahrymanlary maslahat berer we açyk dünýäde çeşme tapmaga kömek eder.
Işläp düzüjiler oýunçylaryň Copilot bilen özara gatnaşyga doly gözegçilik edýändiklerini bellediler: kömekçi islendik wagt elýeterlidir, ýöne oýna päsgel bermeýär. Ilkibaşda ol Xbox Insiders üçin çykar, biraz soň beýleki platformalarda hem peýda bolar.
