Focus2move analitiki agentligi 2025-nji ýylyň ýanwar aýynda global awtomobil satuwynyň netijelerini jemledi. Iň köp satylan ulag 73 907 birlik bilen Toyota RAV4 krossoweri boldy. Görkeziji bir ýyl ozalkydan 11,4% az bolsa-da, birinji orun üçin ýeterlik boldy.
Ikinji orny bir orun ýokary galan Toyota Corolla eýeledi. Onuň satuwy hem 26,4% - 70 822 ulaga çenli pese gaçdy.
Üçlügi 42,5% ösüş görkezen Ford F-Series pikapy jemledi. Bu awtoulagdan 69 805 birlik satyldy we ol birbada dört orun ýokary galdy.
Tesla Model Y elektrik krossoweri ilkinji üçlükden çykyp, dördünji orunda ýerleşdi. Onuň satuwy 19,6% - 64 400 nusga çenli azaldy. Ilkinji bäşlige 53 492 satylan ulag bilen Honda CR-V hem girdi.
Altynjy we ýedinji orunlary Volkswagen Tiguan we Chevrolet Silverado eýeledi. Tiguan 10,6% ösüş görkezdi (46 093 ulag), Silverado bolsa 8,8% pese gaçdy (44 686 ulag). Sekizinji orunda 44 623 satylan krossower bilen Hyundai Tucson ýerleşdi, bu geçen ýylky görkezijiden 9,8% azdyr.
Dokuzynjy orny 43 455 ulag netijesi bilen Toyota Camry (-8,1%) eýeledi. Onlugy Kia Sportage jemledi, onuň satuwy 7,7% azalyp, 39 333 birlik boldy.
