Dünýäde akylly sagatlaryň satuwy ilkinji gezek pese düşdi: Apple -7%, Xiaomi +135%

  • 15.03.2025 08:35
  • 2.3k+

Taryhda ilkinji gezek dünýä boýunça akylly sagatlaryň satuwy çärýegiň jemleri boýunça azaldy. Geçen ýylyň soňky çärýeginde bu görkeziji 7% pese gaçdy diýip, «Counterpoint-iň» maglumatlaryna salgylanyp, «BBC» neşiri habar berýär.

Hasabata görä, pese gaçyşyň esasy sebäbi, Apple-yň satuwlarynyň azalmagy, arzan modelleriň täzelenişiniň haýallamagy we Hindistanda akylly sagatlara bolan islegiň pese gaçmagydyr.
Umumy pese gaçyşa garamazdan, Apple liderligini saklap galdy, emma onuň satuwy 19% azaldy. «GSMArena-nyň» habaryna görä, Huawei kompaniýasy Hytaý bazaryndaky esasy modelleriň, şeýle-de çagalar üçin niýetlenen modelleriň satuwynda 35% ösüş gazanyp, ikinji orny eýeledi.
Samsung täze Galaxy Watch 7, Galaxy Watch Ultra we Galaxy Watch FE Series modelleriniň üstünlikli çykarylmagy netijesinde, ýyllyk görkezijisini 3% ýokarlandyryp, üçünji orny eýeledi. Xiaomi 2024-nji ýylda iň çalt ösen brend boldy. Ilkinji gezek «öňdebaryjy bäşligiň» hataryna giren brendiň ýyllyk satuwy 135% ýokarlandy.
Apple Watch-yň satuwlary brendiň 10 ýyllygynyň bellenendigine we täze Watch Series 10 modeliniň çykarylandygyna garamazdan pese gaçdy. Munuň esasy sebäbi, Demirgazyk Amerikadaky ýagdaý bilen baglanyşykly: Ultra 3 modeliniň çykarylmazlygy we S10 modelindäki örän ownuk üýtgeşmeler. Mundan başga-da, patent jedelleri ýylyň ilkinji ýarymynda Apple-yň satuwlaryna çäklendirme girizdi. Şeýle-de täze Apple Watch SE modelleriniň çykarylmazlygy hem satuwa ýaramaz täsir etdi.
Sebitara görkezijilere görä, 2024-nji ýylyň netijelerine laýyklykda, Hytaý ilkinji gezek iň ýokary satuwy amala aşyryp, hem Demirgazyk Amerikany, hem-de Hindistany yzda galdyrdy. Huawei, Imoo we Xiaomi bazaryň öňdebaryjylary boldy.
Çaklamalara görä, 2025-nji ýylda akylly sagatlaryň bazary dikeldiler. Munuň esasy sebäbi, emeli aň bilen has içgin integrasiýalaryň edilmegi we dakylýan enjamlaryň saglygy gözegçilikde saklamak funksiýalarynyň kämilleşdirilmegi bilen bagly bolar.


şu gün 15:00
320

Bloomberg: Apple kompaniýasy iOS 19-a derek göni iOS 26-ny çykarar

Apple kompaniýasy operasion ulgamlary belgileýiş usulyny düýpgöter üýtgetmegi meýilleşdirýär diýip, Bloomberg agentligi habar berýär. Agentligiň çeşmeleriniň sözlerine görä, Apple-yň indiki operasion ulgamlary wersiýa belgisi boýunça däl-de, çykaryljak ýylyndan soňky ýyl boýunça atlandyrylar...

düýn 13:13
1.1k+

Apple-iň özbaşdak bejeriş programmasy indi iPad-e hem degişli boldy

Apple kompaniýasy Self Service Repair özbaşdak bejeriş programmasyny giňeltdi, indi ol iPad planşetlerini hem öz içine alýar. Mundan beýläk ätiýaçlyk şaýlary we abatlaýyş gurallary dürli modeller, şol sanda esasy wersiýa, mini, Air we Pro modelleri üçin elýeterlidir...

düýn 13:07
2.6k+

iPhone 16 2025-nji ýylyň I çärýeginde dünýäde iň köp satylan smartfon boldy

iPhone 16 2025-nji ýylyň birinji çärýeginde dünýäde iň köp satylan smartfon boldy. Bu barada Counterpoint Research habar berýär. Ýaponiýada we Afrika ýurtlarynda islegiň artmagy we Apple-iň üstünlikli baha strategiýasynyň netijesinde esasy iPhone modeli ikiýyllyk arakesmeden soň birinji orna gaýdyp geldi...

29.05.2025 18:51
2.4k+

iPad-de indi WhatsApp elýeterli boldy. Munuň üçin 15 ýyl sarp edildi

WhatsApp messenjeriniň iPad üçin wersiýasy işe girizildi. Bu barada kompaniýanyň resmi blogunda habar berildi. Bu wersiýany işläp taýýarlamak üçin 15 ýyl gerek boldy: WhatsApp-yň özi 2009-njy ýylda, ilkinji iPad bolsa 2010-njy ýylda peýda boldy...