Ýürek ýetmezçiliginden ejir çekýän awstraliýaly 40 ýaşly adam dolulygyna emeli ýürek bilen 100 günden gowrak ýaşap bilen dünýäde ilkinji adam boldy. Mart aýynyň başynda oňa donorlyk organy oturdyldy diýip, The Guardian gazeti habar berýär.
Ol emeli ýürek oturdylan Awstraliýada ilkinji we dünýäde altynjy hassa boldy. Ondan öň şeýle operasiýalar diňe ABŞ-da geçirilýärdi. Şeýle-de bolsa, öňki bäş hassa hassahanadan çykmazdan ozal donor ýüregini alypdy we implantasiýa bilen transplantasiýanyň (eneli ýürek oturtmak bilen hakyky ýürek oturtmagyň) arasy köp bolanda 27 gün bolupdy.
BiVACOR implantaty - dünýäde ilkinji doly emeli rotor ýürekdir. Ol tebigy gan aýlanyşyny simulirlemek üçin magnit lewitasiýasy tehnologiýasyny ulanýar we hassanyň ýüreginiň ornuny doly tutup bilmäge ukyply. Enjam häzirki wagtda irki kliniki synaglardan geçirilýär. Ol infarktyň, ýüregiň işemiýa keseliniň we süýji keseliniň fonunda ösýän biwentrikulýar ýürek näsazlygy bolan hassalar üçin niýetlenendir. Lukmanlar synagy üstünlikli diýip atlandyrdylar we implantatyň netijelidigini subut etdiler.
