Podmoskowýede Serpuhow sebitinde taryhda ilkinji gezek asmanda boks söweşi geçirildi. 1600 metr belentlikde iki söweşiji howa şarynyň gümmezinde söweşip, dünýä rekordyny goýdy diýip, “Çempionat” portaly habar berýär.
Söweşe taýýarlyk üç ýyl dowam etdi we onlarça hünärmeniň, kaskadýorlaryň gatnaşmagyny we berk howpsuzlyk çärelerini talap etdi. Jemi bäş gezek synanyşyk edildi, şolardan üçüsi şaryň deşilmegi sebäpli şowsuz boldy. Ýöne guramaçylar pikirden ýüz öwürmedi we netijede söweş geçirildi. Ol bäş raund dowam etdi.
Taslamany öňe sürüji bolup türgen, ekstremal Sergeý Boýsow çykyş etdi.
“Bu taslama diňe bir rekord däl-de, eýsem sportuň öz-özüňi ýeňmäge nähili kömek edýändiginiň mysalydyr. Boksda her bir söweş – bu gorky, agyry, öz çäkleriň bilen göreş. Biz 1600 metr belentlige galdyk, söweş geçirdik, soňra paraşýut bilen bökdük. Bu gorkularyň bize ösmäge päsgel berýändiginiň nyşanydyr, ýöne olary ýeňip geçmek bilen, biz has güýçlenýäris” – diýip, Boýsow gürrüň berdi.
Taslama Russiýanyň boks federasiýasynyň goldawy bilen amala aşyryldy.
