Ford 2021-nji we 2022-nji ýyllarda çykarylan Mustang Mach-E elektrik ulaglaryny yzyna çagyrýar. Munuň sebäbi - çalt zarýad berlende ýa-da birden tizligi artdyrylan wagtynda batareýanyň kontaktorlarynyň aşa gyzmagy bilen bagly. Bu kemçilik batareýanyň kuwwatynyň ýitmegine getirip we heläkçiligiň döremek töwekgelçiligini ýokarlandyryp biler diýip, ABŞ-nyň Ýol hereketiniň howpsuzlygy milli müdirligi (NHTSA) habar berýär.
Meksikanyň zawodynda 2020-nji ýylyň 27-nji maýyndan 2022-nji ýylyň 24-nji maýyna çenli ýygnalan ulaglar eýýäm yzyna çagyryldy. Şonda programma üpjünçiligini täzeläp, meseläni çözmäge synanyşdylar. Emma käbir söwda dellallarynyň köne wersiýany gurandyklary sebäpli, kontaktorlaryň gyzmagynyň dowam edendigi anyklandy.
Ford 2025-nji ýylyň 14-nji aprelinden 18-nji apreline çenli ulaglaryň eýelerine habar berip başlar. Söwda dellallary 14-nji aprelde gözükdirme alarlar. Ulaglar barlanar we meseläni düzetjek programma üpjünçiligi täzelener.
Mustang Mach-E, kynçylyklaryna garamazdan, Ford-yň iň meşhur modelleriniň biri bolmagynda galýar. Kompaniýa elektrik ulaglarynyň hataryny işjeň ösdürmegi dowam etdirýär.
