“Paddingtonyň başdangeçirmeleri 3” filmi boýunça tanalýan britaniýaly ssenariçiler Jeýms Lamont we Jon Foster täze taslamanyň başyna geçdiler. Olar emeli aňyň kömegi bilen “Critterz” (Haýwanlar) atly doly metražly mulfilmi döredýär diýip, Variety habar berýär.
Lenta emeli aňyň kömegi bilen döredilen ilkinji multfilmiň – 2023-nji ýyldaky gysga metražly filmiň uzyn wersiýasy bolar. Asyl multfilm adaty animasiýa bilen grafikany döredýän OpenAI-iň DALL·E neýroulgamyny utgaşdyrypdy.
Gysga metražly “Critterz” taslamasy mymyk tüýli tokaý ýaşaýjylarynyň durmuşy barada gürrüň berdi. Doly metražly multfilmiň sýužeti barada häzirlikçe giňişleýin maglumat berilmeýär. Ses berjek aktýorlar we onuň çykjak senesi-de sorag bolup galýar.
